Azterlanak dioenez, horren arrazoia da enpresek I+G-ko gastua handitu egin dutela hazkunde sasoian. Hala, ELGAren esanetan, zifra hori sektore publikoan baino azkarrago hazi da sektore pribatuan, ekonomia ondo zebilen garaietan. Halere, nahiz eta enpresek I+G-n inbertitzen jarraitzen duten merkatu globaletan lehiatu ahal izateko, ELGA esan du enpresek egiten duten gastu horren hedapena motelagoa izan daitekeela, erabat gelditzeraino.

Zentzu horretan, txostenaren arabera, Estatuetako gobernuak izango dira ikerketa eragile nagusiak etorkizunean. Horrexegatik, ELGAk adierazi du enpresek gehiago parte hartuko balute merkatua gehiago lerratuko litzatekeela ikerketa akademikorantz. Izan ere, ez dirudi I+G-ra bideratzen den gastu publikoaren portzentajea handituko denik, beraz, finantzaketa iturri berriak bilatu beharko dira, baita filantropoak edo fundazio pribatuak ere. Txostenak dio horrela posible litzatekeela ?etorkizuneko I+Gpublikoaren helburuak aldatzea?. Era berean, ELGAk azaldu du ?epe luzean, unibertsitateek izango dutela enpresen finantzaketa jasotzeko aukera handiena?.

Gaur egungo gizartean eragina duten faktore nagusiak izango dira etorkizuneko ikerketen agenda markatuko dutenak: gizartearen zahartzea, klima aldaketa, osasun arazoak edo gero eta handiagoa den digitalizazioa. Esparru horiek abantaila asko ekar ditzakete, esaterako bizi-itxaropena luzatzea edo CO2 isuriak murriztea, baina erronka handiak ere izango dituzte, batez ere etikaren arloan, alderdi asko airean baitaude oraindik. Hona hemen horietako batzuk: desberdintasunak handitzea, lanpostuak desagertzea robotikaren edo adimen artifizialaren mesedetan edo pribatutasuna mantentzea datu kopuru handiak aztertzean.
Ikerlarien etorkizuneko egoerari dagokionez, azterlanak erakusten du karrera profesional horiek ziurgabe izaten jarraituko dutela, batez ere emakumeentzat. Baliteke datu horren ondorioz etorkizunean sektore horren erakarpen indarra murriztea.

oecd-ilibrary.org