Hidrogenoa hidrolisi bidez lortzen da normalean, baina metodo hori ez da eraginkorra energia-iturria baliabide ez berriztagarrietatik badator,hidrogenoak metatutakoak baino energia gehiago xahutzen baita hidrogeno hori lortzeko prozesuan.Puntu horretan, paper garrantzitsua dute energia berriztagarriek, esaterako eolikoak eta eguzki energiak, haien bidez posible delako bestela sostengaezina litzatekeen onura bat lortzea.

Egia esan, hidrogenoa ez da ezer berria.Lehen motorra mugiarazi zuen duela mende bat baino gehiago, eta NASAk maiz erabili du bere espazioko misioetan (Gemini, Apolo...) argindarra eta ura lortzeko.Baina hidrogenoa ekoiztea oso garestia izan da urtetan zehar, eta ekoizpen-prozesu horrek karbono dioxidoa isurtzen zuen, elektrolisiak (hidrogenoa ekoizteko teknologiarik erabilienak) jatorri berriztagarrietatik ez zetorren argindar asko erabiltzen zuelako.Hidrogenoa modu jasangarrian ekoizten bada, konta ezin ahala erabilpen izan ditzake.Erregai sintetikoa izan daiteke, erabilpen industrialak izan ditzake eta etxeetan ere erabil daiteke.

infobae.com