2017an horrelako ehun bat bizikleta merkaturatu zituzten, eta aurten 150 unitate baino gehixeago saltzea espero dute.
Hainbat urtez armamentuaren industrian lan egin ondoren, Pierre Fort� ingeniari aeronautikoak (Akize) erabaki zuen bere karreraren norabidea aldatzea eta hidrogenoa (gas agorrezin eta ez-kutsagarria) bezalako energia baten alde egitea. Hilabete askotako lanaren ondoren, Fort� ingeniariaren lantaldeak minutu bakar batean kargatzen diren bateriak garatu zituen,

Lapurdiko hiriburuko aireportutik hurbil daukaten lantegian. Gainera, Pragma Industries enpresak bizikleta propioak diseinatzen eta fabrikatzen ditu, teknologia berri honi hobeto egokitzen zaion diseinu batekin.

Hona hemen Miarritzeko konpainia honen lehenengo bezeroak: enpresa handiak, turismo arloko zerbitzuak, erakunde publikoak (Correos) eta ospitaleak, bai Frantziakoak eta baita ere Danimarkakoak. Fort�-k azaldu duenez, bezero horiek toki berean aparkatzen dituzte bizikletak gauero, eta beraz, toki horietan instalatu ditzakete kargatzeko puntuak.

Hidrogenoz funtzionatzen duen bizikleta elektriko berritzaile horrek 25 kilo pisatzen ditu, eta 7.500 euroko prezioa du, baina kontuan hartu behar da Frantziako erakunde askok diru-laguntza publikoak ematen dituztela halakoak erosteko. Gainera, Fort�-k dio urte gutxitan jaitsiko dela prezioa, unitate gehiago ekoizten hasi bezain laster. Aurreikuspenen arabera, bi urtetan 3.500 euroraino jaitsi liteke prezioa.

deia.com