Edward Glaeser-ek (Triumph of the City liburuaren egileak) primeran azaltzen du nola 1980an lizentziatutako biztanle helduen portzentajea % 10 handitu zen AEBetan eta nola horren ondorioz aurreikus zitekeen diru-sarrerak % 60 baino gehiago haziko zirela 1980 eta 2000 bitartean. Hau da, biztanleriak bere hezkuntza-maila hobetu ahala, garapen ekonomikoa ere handitu egiten da. Hirietako prestakuntzaren eta produktibitatearen arteko lotura gero eta nabarmenagoa bilakatu da 1970eko hamarkadatik.

Hori bereziki garrantzitsua da gizarte digital berrian. Aldaketa teknologiko eta zientifikoek gure gizartea aldatzen dute ekonomikoki, sozialki, politikoki eta kulturalki. Mundu azeleratu, hiperkonektatu eta digital batean bizi gara, non disrupzio teknologikoak eragina izan baitu gure bizitzako alderdi guzti-guztietan. Internetek, sare sozialek, sakelako telefonoek eta komunikazio teknologia berriek betirako aldatu dituzte gure artean erlazionatzeko, antolatzeko, mobilizatzeko, geure burua gobernatzeko, informazioa eskuratzeko eta geure burua manipulatzeko moduak. Paradigma berri bat da, eta arrisku berriak dakartza berekin. VUCA aroan gaude (ingelesezko akronimoa: aldakortasuna, ziurgabetasuna, konplexutasuna eta anbiguotasuna) eta, beraz, koherentzia berriak diseinatu behar dira, eta ekonomia digital berriaren mugak eta formak finkatu behar dira.

elpais.com