Ekainean, enpresak inoiz baino harpide gehiago zituenean, Reed Hastings "Netflix enpresako zuzendari nagusia- kezkatuta zegoen, bere streaming zerbitzu ezin baliotsuagoak programa arrakastatsu gehiegi zituelako eta kantzelatutako produkzio berrien kopurua oso txikia zelako. "Gure arrakasta-portzentajea oso altua da une honetan" esan zuen teknologiari buruzko hitzaldi batean. "Gehiago arriskatu behar dugu [...] gauza ausartagoekin saiatu [...] kantzelazio-tasa handiagoa izan behar genuke".

Jeff Bezozek, Amazon enpresako zuzendari exekutiboak eta seguru asko munduko enpresari arrakastatsuenak, dio porrotetan oinarritzen direla enpresa baten hazkundea eta berrikuntza. "Apustu ausartak egin nahi dituenak esperimentuak egin behar ditu" esan zuen Amazon-ek Whole Foods erosi ondoren. "Eta esperimentuak badira, ezin da aldez aurretik jakin funtzionatuko duten ala ez. Esperimentuek, berez, aukera handiak dituzte porrot egiteko. Baina arrakasta handi batzuk nahikoa dira ongi ateratzen ez diren dozenaka saiakera konpentsatzeko".

Zuzendari nagusi horien mezua oso erraz ulertzen da, baina gutako gehienontzat ez da hain erraza praktikan jartzeko. Enpresa eta antolakundeetako lider askok defendatzen dituzte berrikuntzaren eta sormenaren bertuteak. Baina horietako asko porrotaren beldurrez bizi dira, eta horregatik lortzen dituzte hain sorkuntza eta berrikuntza gutxi. Ez bagaude prest huts egiteko, ez dugu ikasiko. Pertsonek eta antolakundeek mundua aldatzen den erritmo berean ikasi behar dute, hazi eta eboluzionatu nahi badute.

hbr.es