Horixe da haizetakoen kasua, ADAS sistemen funtsezko elementua. Bi teknologia horientzat beharrezkoak dira autoaren inguruan gertatzen den guztia detektatzen duten eta informazioa jasotzen duten kamera eta sentsoreak, gero informazio horren arabera jokatzeko, gidariari laguntzeko edo beren kabuz maniobraren bat egiteko. ADAS sistemetako kamera gehienak haizetakoetan instalatzen dira, beti antzeko toki batean: erdian eta goialdean, auto barruko atzerako ispiluaren parean. Hortik goitiko ikuspegi argi eta garbia dute, haizetako-garbigailuen garbitze-eremuan daudelako.

Baina, zer gertatzen da haizetakoak panoramikoak direnean? Horrelako kristalak autoaren sabairaino luzatzen dira, beraz, ADAS sistemen kamerak askoz gorago instalatu daitezke, gidariaren ikuspegia argiagoa izan dadin. Baina arazoa da haizetako-garbigailuak ez direla iristen eremu horretara eta, horregatik, kamerak ezin dira jarri hain goian. Sistema arruntak ere ez dira eraginkorrak haizetakoak oso kurbatuak direnean.

Elon Musk-en konpainiak haizetako-garbigailuen sistema berri baten patentea erregistratu du Model X autoarentzat, hau da, munduko haizetako handiena (Big Sky) duen ibilgailuarentzat.

Tesla-ren sistema berriak mekanismo elektromagnetiko bat darabil, zeinetan beso garbitzaileak errei batzuk baliatzen baititu haizetako osoan zehar transbertsalki mugitzeko. Mekanismo hori kapotaren azpian ezkutatzen da funtzionatzen ari ez denean. Hala, haizetakoaren azalera guztia garbitu daiteke eta posible da ADAS sistemen kamerak gorago instalatzea. Gainera, frikzioa askoz txikiagoa da eta aerodinamika, berriz, hobea, horrek eragina duelarik autoaren kontsumoan. Bestalde, denborarekin herdoildu egin daitezkeen mekanismo asko kendu egin dira.

lavanguardia.com