Datozen 10 urteetan, 6G teknologiak posible egingo du zentzumenen Internet.Horrek esan nahi du Interneteko aplikazioak esperimentatu ahal izango ditugula geure bost zentzumenak baliatuz, eta ez soilik ikusmen eta entzumenarekin, gaur egiten dugun bezala.Eta gure etxe, bulego, lantegi nahiz hiriak etengabe eguneratzen den mapa interaktibo batean irudikatuko dira, zeina gai izango baita mundu errealean gertatuko dena aurreikusteko.Aukera izango dugu holograma bidez komunikatzekoeta baita ere hiru dimentsiotan posizionatutako azalera adimendunekin lan egiteko, zeintzuek objektuen orientazioari buruzko informazioa izango baitute.

Hologramei esker, posible izango da edozein tokitan dauden mota guztietako objektuekin elkarreragitea edo gaur egun ezinezkoak diren ikuskizunak sortzea.

Zientzialariaren arabera, “hori guztia posible izango da hainbat elementuri esker: transmisio-abiadura handiak, latentzia baxua, inguruneari, posizionamenduari eta orientazioari buruzko ezagutza, detekzio integratua, sareen sarea eta sare mugikorretan deszentralizatutako potentzia konputazionala.6G teknologia gai izango da komunikazio energetikoki eraginkor, fidagarri, sendo eta segurua bermatzeko”.

SouthernCaliforniaViterbi Unibertsitateko ingeniaritza elektriko eta informatikako irakasle AndyMolisch-ek komunikazioen belaunaldi berriaren garapena markatuko duten hiru aplikazio identifikatu ditu:

• Internet haptikoa,
• Komunikazio holografikoak,
• Edgecomputing, aplikazio, gailu (gauzen Internet) eta zerbitzari periferiko lokalen eraginkortasuna hobetzen duen azpiegitura informatiko bat.

DomenicoGiustiniano eta JoergWidmer-ek gidatutako ENABLE-6G proiektu europarreko kideen arabera, beste aurrerapen handienetako bat biki digitalak (digitaltwin) izango dira.Biki digital bat da objektu fisiko baten irudikapen birtual perfektu bat egitea, eta horrek milaka aplikazio ahalbidetuko ditu, hala nola, ikerketa medikoak egitea jakiteko zein izango den tratamendu batekiko erreakzio molekularra tratamendua bera eman baino lehen, edo ebaketa kirurgiko bat entseatzea, azpiegitura baten erantzuna ezagutzea, trafikoaren portaerari aurrea hartzea edo prozesu industrial baten emaitza aurreikustea.Esaterako, Hyundai konpainiak errealitate birtualeko azken teknologiak erabiltzen ditu autoen diseinua eraldatzeko.

Lokalizazio-sistemak ere asko hobetuko dira, zeintzuk ezinbestekoak baitira gidatze autonomorako edota prozesu industrial telegidatuetarako.

Baina etorkizun hurbil horretara iristeko hainbat erronka gainditu behar dira.Hauxe da lehenengoa:segundoko terabyte bateko datu-abiadura eta 0,1 milisegundoko erantzun-denbora lortu ahal izateko, 6G seinaleak tera-hertzioen tartean (300 GHz-tik gora) transmititu behar dira. Horrek esan nahi du banda-zabalera oso altua izango dela, baina seinaleen irismena oso laburra.

Etorkizuneko 6G sareak sortzeko ezinbestekoa izango da haririk gabeko komunikazioak hobetzea, ingurunea zehaztasunez detektatzeko eta gailu bakoitzaren aztarna energetikoa nabarmen murrizteko.

Azkenik, sortuko den datu kopuru erraldoia kontuan hartuta, erronka garrantzitsua izango da baita ere pribatutasuna bermatzea.

elpais.com