Teknologi zentroen eta ikerketaren Estatuko sareak eguneratzeko premia dauka. Tsunami digitalarekin, hots, IV. Iraultza Industrialarekin eta aurrerapen zientifiko handiekin lotutako teknologiek azpiegitura gutxi dute oraindik Espainian.
Espainiak lehengai ona du, baina ez da Europako liderra berrikuntzan. Zentzu horretan, kritikak miran jarri ditu instituzioak, eta baita ere epe luzeko inbertsiorik ez egitea zientzia eta berrikuntza teknologikoan erabat oinarritutako proiektuetan.

Teknologi zentroen ikuspegitik begiratzen badugu Espainiako berrikuntzaren mapa, beste faktore bat mahai-gaineratzen da: instituzio horien funtsezko matrizeetan aldaketa gutxi eman dira 90eko hamarkadaz geroztik, institutu berri gutxi ireki dira azken hamar urteotan, berrikuntzako inbertsioak eta aurrerapenak eskualde gutxi batzuetan zentratzen dira eta duplizitate mordoa daude, baita eskualdeen barruan ere. Dirudienez, eta berrikuntza sendo errotu denez sektore tradizionaletan, falta zaiguna da jauzi egitea XXI. mendeko teknologiara.

Autonomia erkidego bakoitzean institutu teknologikoen lana sektore zehatz batzuetara bideratuta dago, eta hortxe ikusten da zer dagoen egiteko. ICEX-Invest in Spain ekimenaren arabera, non erkidego bakoitzaren jarduera kontsultatu baitaiteke lan sektoreka, nekazaritza sektorean egiten da lan gehien ?presentzia du 17 erkidegotatik 10etan-, eta atzetik datozkio energia sektorea, automozioarena, aeronautikarena eta turismo sektorea. Zentzu horretan, azpimarratzekoa da Kataluniak, Kantabriak ?biek egin dituzte inbertsio handiak smart city-en esparruan, lehenak teknologia mugikorretan, eta bigarrenak teknologia berrietan- eta Euskadik egin duten ahalegina beren oinarri teknologikoa 4.0 Industriari egokitzeko.

Halaber, ohikoak dira industria tradizionalarekin lotutako materialen I+G+b-ko zentroak: plastikoak hainbat zentro dauzka Andaluzian, Valentzian eta Murtzian; metalak Andaluzian, Murtzian, Gaztela Mantxan eta Euskadin; zurak Galizian, Balear Uharteetan eta Valentzian; eta eskualde askok zentroak dauzkate materialak modu globalean lantzeko. Eta oraindik ez dugu aipatu nekazaritza, abeltzaintza, arrantza eta elikadura sektoreetara bideratutako erakunde teknologikoen zerrenda.

Ikerketan eta berrikuntzan aritzen diren zentroei meriturik kendu gabe, mapa uniforme honetan azpimarratzekoak dira ikuspuntu teknologikotik isolatuak diren hainbat kasu, Katalunian eta Euskadin batez ere. Euskadi nagusi da, neurozientziari, klima aldaketari, matematika aplikatuei, multimedia teknologiari, mektronikari eta neutronikari eskainitako zentroak baititu.

elmundo.es