Nahiz eta ez dagoen merkaturatzeko data zehatzik, informatikako fabrikatzaile beteranoak adierazi du bere IBM Q modeloa gaur egungo superkonputagailu indartsuenak baino askoz azkarragoa izango dela eta kalkulu gaitasun handiagoa izango duela.

Konputazio kuantikoa lantzeko, ia fisika kuantikoarekin egin behar den gauza bera egin behar da: garuna reseteatu eta fisika klasikoaren nozioak baztertu. Maila subatomikoan, partikulek propietate bitxiak dituzte, logika konbentzionaletik urruntzen direnak. Informatikarako interes handiena duena superposizio kuantikoa da, hots, elektroi batek aldi berean forma-egoera bat baino gehiago izateko duen gaitasuna.

Egungo informatikaren oinarri diren bit arruntek bi egoera alternatibotan operatzen dute informazioa (zeroak edo batak, piztuta edo itzalita). Bit kuantikoek, berriz, bi baloreak izan ditzakete aldi berean. Horren ondorio praktikoa da makina bati bit gehiago gehitzeak linealki handitzen duela informazioa kudeatzeko gaitasuna; qubit-ak gehituta, esponentzialki handitzen da.

IBMren helburua da lehen fasean 50 qubit izango dituen ordenagailu kuantiko bat garatzea. Diotenez, horrelako makina batek askoz errendimendu hobea izango luke Top500 zerrendako superkonputagailu onenek baino. IBMk oraindik ez du esan noiz merkaturatuko diren lehen IBM Q modeloak, baina ezingo dira erosi dendetan. Horrelako makinak ez daude pentsatuta testuak prozesatzeko edo jolasteko. Korporazio handiek edo ikerketa zentroek bakarrik aterako diete probetxua.

elpais.com