Financial Times aldizkariari elkarrizketa batean jakinarazi dionez, lehen saiakera hilabete honetan bertan egingo dute Suitzan altzari mota desberdinekin. “Hainbat bazkiderekin lan egingo dugu alokairu eredu hau ahalbidetzeko.

Epea bukatzen denean, bezeroek produktua itzuli ahal izango dute eta beste bat alokatu”, adierazi du Torbjörn Lööf-ek, Inter Ikea-ko (erraldoi suediarraren frankizien kudeatzailea) kontseilari delegatuak. “Hala, altzariak bota beharrean zaharberritu egingo ditugu eta berriro saldu, produktuen bizi-zikloa luzatuz” gaineratu du exekutiboak.

Lehen probetan altzari mota desberdinak ebaluatuko dira. Ekimen hau prozesu baten parte da, zeinaren helburua baita munduko lehen altzari fabrikatzailearen negozio-eredua eraldatzea. Ikeak dagoeneko ekin dio eraldaketa horri, ireki baititu hiriguneetan establezimendu txikiak eta biltegiak, Internetetik eginiko eskaerak jasotzeko. Inter Ikea-ko kontseilari delegatuak, zeinak produktuen fabrikazioaz eta diseinuaz gain marka eta taldearen kontzeptua ere kontrolatzen dituen, enpresentzako bulegoko altzariak sartuko ditu lehen alokairu-probetan, baina ez du baztertu sukaldeko altzariak ere alokatzeko aukera.

expansion.com