Pictionary jolasean marrazki bidez bakarrik komunikatu daiteke: paper gainean eginiko marrazki baten esanahia asmatu behar da. Hala, marrazki baten balizko esanahia interpretatuz hitz edo esaldi gehien asmatzen dituen jokalariak edo taldeak irabazten du jolasa.

Pictionary-ren bertsio honek beste izen bat du: Iconary. Eta jolas horretan aritzeko diseinatutako AAk AllenAI du izena. Jolas honen bertute nagusia da elkarrekin harremanetan jartzen dituela gizaki bat eta AA bat, elkarrekin argitu dezaten marrazkiaren atzean dagoen misterioa.

Jolasaren bitartez, gizakiak AllenAI-ri erakusten dio nola ulertzen ditugun marrazki baten esanahia argitzen laguntzen diguten oinarrizko kontzeptuak. AllenAI-k ikasi egiten ditu irudia dezifratzeko erabiltzen ditugun gutxieneko elementuak eta, horrela, gizakiaren zentzuan oinarritutako arrazoiketa artifizial bat garatzen du.

Honela funtzionatzen du: gizakiak marrazki bat egiten du, bere irudimenetik espontaneoki sortua. AAk bere baitan dauzkan 1.200 ikonoetako batekin lotzen du (geziak, zuhaitzak…) eta marrazkia eta ikonoa taula baten gainean jartzen ditu AllenIA-k ikus dezan erlazionatuta daudela. Orduan, AllenIA-k marrazkiaren esanahia asmatuko du edo eskatuko dio beste ikono batzuekin lotzeko berriro saiatu dadin.

tendencias21.net