Zenbaki errekorra da, Euskadiko berrikuntzaren dinamismoaren adierazgarri. Zenbaki horiek 2016an hasitako goranzko joera sendotzen dute, eta, seguruenik,Innobasque - Berrikuntzaren Euskal Agentziaren zenbatespenen arabera, urte honen hasieran argitaratutako “Euskadiko I+Gko inbertsioaren zenbatespena” kontuan hartuta, hurrengo bi ekitaldietan finkatuko da, zenbakiak 1.768 milioikoak izan litezkeelako 2022an; eta 1.895 milioikoak, 2023an.

Joera hori ez dator bat aurreko krisietan gertatutakoarekin, orduan I+Gko euskal inbertsioek behera egin zuten-eta. Portaera aldatu egin denez, agerikoa da euskal enpresek garrantzi estrategiko handiagoa ematen diotela berrikuntzari eta haien lehiakortasunerako funtsezko elementua dela uste dutela. Era berean, Europar Batasunak susperraldirako hartutako salbuespenezko neurriak ere izan dira lagungarriak, eraldaketa azkartu dutelako euskal ekonomiarentzat funtsezkoak diren sektoreetan. Halaber, Eusko Jaurlaritzaren laguntza irmoa ere izan da erabakigarria, azken urteotan %10 igo duelako I+G+b sustatzeko aurrekontua.

Europako Batzordearen ustez “bikaintasun-poloa” den Euskadi93. postutik 72.era igo da, Europako Berrikuntzako Adierazleen Eskualdeko Taulan 239 postu daudela kontuan hartuta. Hori dela eta, postu onenean dagoen Espainiako autonomia-erkidegoa da. EBko Berrikuntzako Adierazleen Taula horretako errendimendu-maila kontuan hartzen badugueta 100eko balioa ematen badiogu, maila 109,8koa daEuskadin; 106,6koa, Madrilen; 105,9koa, Katalunian; eta 101,8koa, Nafarroan. Estatuko berrikuntza handiko beste hiru erkidegoak dira, beraz.

Emaitzen ikuspegitik, berrikuntzaren kasuan aurreko urteetako inbertsioen fruitua direla kontuan hartuta, nabarmendu egin beharra dago egiturazko mailanEuskadikesportazio industrialen maila teknologikoa handitzea lortu duela. Maila teknologiko ertain-handiko sektore industrialetako esportazioen pisua da horren adierazgarri, 2014tik apurka-apurka egin duelako gora, harik eta 2021ean %50 ingurura iritsi arte, maila teknologiko ertain-txikiko sektoreetako esportazioen kalterako.

Gaur egun,enpresa handien %76,6, ertainen %60,4 eta txikien %35,9 berritzaileak dira, hau da, euskal enpresen %40,5diraberritzaileak.

Bestetik, I+Gko profesionalen kopurua ere hazi da, 20.800 direlako gaur egun (%36,2 emakumeak dira). Ia-ia euskal biztanle aktiboen %2k I+Gko jardueretan lan egiten dute, 2020ko %1,88ren eta Europako batezbestekoaren %1,5en aldean.

innobasque.eus