Halere, aldaketa horiek gero eta azkarrago gertatzen dira orain, eta horren ondorioz, azken urteotan zailagoa izan da egitura egonkorrak finkatzea, batik bat, enpleguaren eta ekonomiaren arloetan. Izan ere, etengabe aldatzen ari dira beharrezko lanpostu-kopurua, lanpostu-motak, lanpostu horietarako behar dugun prestakuntza eta soldatak.

Orain, lehen aldiz, teknologia berriak erabakien esparrura iristen ari dira, eta hori sakon aztertu beharreko gai bat da, den-denoi eragingo digulako ezinbestean, besteak beste, baita arkitektoei ere.

Arkitekturaren arloan, teknologia berriek bidea erraztu digute azken 40 urteotan, eta gaur egun programa informatikoak erabiltzen ditugu ia edozertarako: planoak egiteko 2Dn edo 3Dn, renderizatzeko, neurketak egiteko eta aurrekontuak kalkulatzeko, ebaluazio energetikoak egiteko, dokumentuak idazteko, e.a.Teknologiei esker, azkarrago lan egiten dugu eta azkarrago hartzen ditugu erabakiak, baina era berean teknologiek hainbat lanpostu suntsitu dituzte eta behartu egin gaituzte etengabe eguneratuta egotera.

Higharcstartup-ak dio gai dela “zuretzat etxe bat sortzeko arkitektorik kontratatu gabe”.Enpresa horrek etxebizitzak diseinatzeko aplikazio bat sortu du, balizko erosleari bere etxebizitzaren diseinu optimoa erakusten diona bere lehentasunen arabera.Horretarako, software indartsu bat erabiltzen du,espreski programatuta dagoena hainbat aldagai (kokapena, tamaina, programa, estetika, kostuak, e.a.) azkar erlazionatzeko, eta ematen duen emaitza ona omen da, eraikuntza-lanak hasteko behar den dokumentazio eta guzti.

arquitecturayempresa.es