Kubo dorrea (dagoeneko patentea tramitatzen ari dira) da Educere proiektuan gehien probatu den jostailua; Alcalá de Henareseko Unibertsitateak (UAH) garatu du proiektua, Madrileko Politeknikoaren eta Autonomoaren parte-hartzearekin. UAHek jakinarazi duenez, itxuraz jostailu arruntak badira ere, teknologia funtsezko elementua da prototipoen diseinuan, datuak erregistratzen dituztelako haurren koordinazioari, manipulazioari eta zehaztasunari buruz.

Esaterako, kuboek sentsore batzuk dauzkate instalatuta, sentsore horien bidez neurtzeko dorrea egitean mugimenduan emandako denbora, abiadura, azelerazio maximoa eta elementuak mugitzean sortutako astinduak. Datu horiek aztertuz eta haurra behatuz ?jolasean ematen duen denbora bideoan grabatuta-, adituek jakin dezakete arazo edo zailtasunen bat izan ote dezakeen mugikortasunean, zentzumenetan edo kognizioan, azaldu du Bernardo Alarcosek, UAHeko proiektuaren bozeramaileak.

Kubo dorrea egitean 2 eta 3 urte bitarteko haurren mugimendua behatzen da; txintxirrinak, berriz, presioarekin eta azelerazioarekin lotutako sentsoreak ditu barruan, eta aparta da haur txikientzat. Zirien jolasa egokia da 4 eta 5 urte bitarteko haurrentzat (zulo batean sartu behar dituzte ziriak), eta pilota, berriz, 5 eta 6 urte bitarteko haurrak baloratzeko erabiltzen da.

Gainera, bi adituen iritziz, haurren portaerari buruzko informazioa eskuratzeko, oso egokia da jostailuak edo objektu ezagunak diseinatzea, hau da, etxean edo eskolan erabili daitezkeenak.

20minutos.es