“Orain arte, metalak izan dira gailu elektronikoak egiteko gehien erabili diren material kimikoak. Proiektu honetan, ordea, urrats bat gehiago eman dugu, eta argindarra sortzea lortu dugu material arin, merke eta ez hain toxikoak erabiliz” azaldu du José Alejandro Herediak, lan honen egileetako batek.

Formula oso erraza da: ura eta etanola –alkohol mota ekologiko bat—, biak hala biak tomatearen azaletik ateratakoak, eta karbono nanopartikulak. Adituen arabera, disoluzio hori kotoian sartzen da berotutakoan eta materialari atxikitzen zaio, telurioak, germanioak edo berunak dauzkatenak bezalako propietate elektrikoak sortuz baina material biodegradagarrietatik abiatuta.

Zientzialari taldeak kamisetei akoplatzeko moduko gailuak garatzen jarraitzen du gaur egun, esate baterako, argia sortu eta kamisetak islatzaile bihurtzeko edo sakelakoa kargatu ahal izateko kargagailurik erabili gabe.

Teknologia honek aplikazio gehiago ere izan ditzake, besteak beste, bio-medikuntza (erabiltzaile bakoitzaren seinaleak monitorizatuta) edo robotika (material arin eta malguagoak erabiliz posible izango baita roboten ezaugarriak hobetzea).

20minutos.es