Gaur egun teknologia hori eraginkortasun ekonomikoaren motor garrantzitsua da, eta ikusirik potentzial handia izan dezakeela, askok Interneten sorkuntzarekin konparatzen dute.

Blockchain 2008an sortu zen lehen kripto-txanpona (Bitcoin) emititzeko eta negoziatzeko. Gaur egun ia 900 kripto-txanpon daude, eta beren merkatuko kapitalizazioa 400.000 milioi euro ingurukoa da. Bestalde, gero eta gehiago erabiltzen dira kripto-aktibo berriak -Initial Coin Offerings (ICO) delakoen bitartez emititutako aktibo digitalak- enpresa proiektuak finantzatzeko formula gisa (batik bat garapenaren hasierako faseetan daudenak).

Izenak izen, kripto-txanpon horietako batek ere ez ditu eraginkortasunez betetzen diruaren funtzioak: praktikan gutxi erabiltzen dira ordainketetarako edo kontuetako unitate gisa, eta balio-depositu bezala ere eragin mugatua dute, oso aldakorrak direlako. Kotizazioek azken hilabeteotan izan dituzten gorabehera bortitzek erakusten dute espekulazioaren eragina ere handia dela. Nahiz eta kripto-aktiboak orain ari diren sortzen, dagoeneko posible da gogoeta batzuk egitea.

elmundo.es