Dagoeneko posible da CaixaBank erakundeko edozein kutxazainetan dirua ateratzea kamerari begiratze hutsarekin. Aldez aurretik bezero bakoitzak bulegora joan beharko du, aurpegiaren errekonozimendu biometrikoa egiteko. Operazio erraza da, minutu pare batean egiten dena. Gero nahikoa izango da txartela kutxazainean sartzea edo sentsorera hurbiltzea (contactless teknologia badu), kamerari begiratzea eta egin nahi den eragiketa egitea. Gerta liteke programak bizitza-proba bat eskatzea, hau da, burua mugi dezala ezkerrera edo eskuinera kamerari begiratzeari utzi gabe, egiaztatzeko ez dela hirugarrenen eskuetan dagoen argazki edo bideo bat. Horrela egiaztatuko du benetan bezeroa dela kutxazainaren aurrean dagoena.

CaixaBank da kutxazainetan operatzeko aurpegien errekonozimendu sistema berri hau –bezeroaren aurpegiko 16.000 puntu baliozkotzen dituen teknologia biometriko batean oinarritua- erabiliko duen “munduko lehen bankua”. “Sistema berri honek identifikazio prozesua azkartzen du eta operazioen segurtasuna hobetzen du” azaldu du Jordi Nicolauk, bankuko bezeroentzako esperientzia globalaren zuzendariak, teknologia berri honen aurkezpenean Bartzelonan.

innovadores.larazon.es