Stephen Hawking astrofisikariak, berriz, segurtatu du ?adimen artifiziala izan daitekeela giza arrazaren amaiera?. Baina zer uste dute arlo horretako espezialistek? Adimen Artifiziala eta beronen adarrak aztertzen dituzten adituek, teknologia hori garatzen dutenek eta badakitenek noraino irits daitekeen ez dute uste hain txarra izango denik: %5ak baino ez du uste esparru horretako aurrerapenek iragartzen direnak bezain ondorio tamalgarriak izango dituztenik.

Portzentaje hori Yale eta Oxford unibertsitateetako ikerlariek egin duten azterlan batetik atera da, zeinetara biltzen diren 352 zientzialariren iritziak, denak ere sektoreko bi kongresu garrantzitsuenetakoren batean artikulu espezializatuak argitaratu dituzten adituak. Gai apokaliptikoei buruz ere galdetu zitzaien, baina azterlanak beste gai bat izan du ardatz: Noiz iritsiko da makinek gure lanak guk baino hobeto egingo dituzten eguna? Espezialisten iritziz, ziurrenik gure birbilobei lanbide bat ikasteko garaia iristen zaienean helduko da egun hori. Erantzun guztien batez bestekoa kontuan hartuta, adituen ustez makinek ez dituzte lan guztiak ordezkatuko 122 urte barrura arte, eta horrek 2140ko hamarkadan kokatzen du eguna.

Gehienek oraindik goizero jarri beharko dute iratzargailua lantokira garaiz sartzeko, salbu eta itzultzaileek. 2024an makinak gai izango dira gizakiak baino hobeto itzultzeko, 2027an kamioiak eraginkorrago gidatzeko eta 2031n denda batean bezeroei arreta emateko.

elpais.com