Adimen artifizialak (AA) arrazoia eman dio.Eta, nahiz etaoraindik bide luzea duen egiteko, tresna horrekdagoeneko laguntzen digu aukeratzen zein arropa erosi, zein telesail ikusi, zein ibilbidetatik sartu edo non bazkaldu.

AAk gero eta inpaktu handiagoa du gure eguneroko bizitzan, eta hori aspalditik ari da gertatzen.Asko dira AAren laguntzaz egiten ditugun eguneroko zereginak, nahiz eta beti ez jabetu AAri esker egiten ditugula: gure erreferentziazko hedabideak proposatutako albisteak irakurtzen ditugu, lanera joateko garraiorik aproposena hartzen dugu, aurpegia edo hatz-markak erabiltzen ditugu gure gailu mugikorretan sartzeko, erosketak egiteko erabiltzen ditugun plataformek produktuak gomendatzen dizkigute -eta, ondorioz, eragina dute gure erosketetan-, zuzeneko transmisio-sistemek (streaming) edukiak gomendatzen dizkigute, gure argazkiek itxura hobea dute argazkigintza konputazionalari esker, aurikularrek hobeto isolatzen gaituzte metroko zaratatik,Spotify edo Apple Music aplikazioek guretzat aukeratutako musika entzuten dugun bitartean…

Zein esparrutan izango da iraultzaileagoa Adimen Artifiziala? Zein esparrutan izango da iraultzaileagoa, lurrun makinak Iraultza Industrialean egin bezala, gure gizartearen etorkizuna markatuko duen tresna hori?Adituak bat datoz esatean osasun arloan izango duela eragin handiena. Dagoeneko garatu dira AAren onurak asko aprobetxa ditzaketen hainbat aplikazio, adibidez, Tallk, zeinari esker posible baita ELA gaitza duten pazienteen begirada irakurtzea, eta baita ere DreaMed, gai dena hiru segundotan diabetes gaitza duten pazienteentzako intsulina dosi egokia sortzeko.Baina badira teknologia honi esker jauzi handi bat eman dezaketen sektore gehiago ere.AA erabakigarria izan liteke beste hainbat eszenatokitan, esaterako, bioteknologiari lotutako nekazaritzan, hiri adimendunetan (pertsonak, objektuak, prozesuak eta zerbitzuak lotzen dituzten ekosistemak diren neurrian), eta 4.0 Industrian (biki digitalen erabilpenak gure produkzio-prozesuak hobetu ditzake).

interempresas.net