Metabertsoek errotik konpontzen dute hiri-plangintzaren arazo hori. Interfaze grafiko konplexuen gainean egituratuta daudenez, diseinatzaileek edozein motatako konponbideak (mugikortasuna, argiztapena, segurtasuna, hondakinen kudeaketa, etab.) inplementatu ditzakete metabertsoetan eta ziur jakin dezaketeproiektua gauzatzeko modukoa den praktikan; hala, posible da edozein arazori aurrea hartzea eta diru kopuru handiak aurreztea, bai hiriei eta bai teknologia fabrikatzaileei.

Teknologia honek zientzia fikzioa dirudi, baina existitzen da eta dagoeneko erabiltzen da hirien plangintzan. Halaxe egin dute Shangain, planetako megapoli handienetako batean. Shangaik klon berdin-berdin bat du unibertso birtual paralelo batean, zeinak hiriaren xehetasun txikienak ere erreproduzitzen baititu.

Shangairen unibertso paralelo hori lainoan dago, hiriaren unibertso erreala gobernatzen duten arauak kalkulatzeko gai diren superkonputagailuetan, eta era guztietako egoerak simulatu ditzake: lurrikara bat, gaizkile arriskutsu baten jazarpena trafikoaren erdian… Hala, plangintzan eta prebentzioan oinarritutako gobernantza garatzeko tresna ezagunik ahaltsuena da gaur egun.

“Shangai birtuala” bat baino ez da 51world antolakundeak sortu dituen eta martxan dauden hiri digital ugarien artean; erakunde horrexek garatu zuen Singapurren biki birtual bat, zeinak kale eta eraikinen hiru dimentsiotako geometria birsortzeaz gain, funtzionamenduan eragiten duten hamarnaka mila parametro kontrolatzen eta simulatzen baititu.

Hortaz, metabertsoak edo meta-unibertsoak apustu handi bat dira, plataforma birtualetan garatu daitezkeen ingurune fisikoen simulazio ultraerrealistak, eta esperientzia berri askozmurgiltzaileagoak ekarriko dituzte hainbat arlotara, adibidez, hedabide sozialetara edo bideojokoetara.

Hirien plangintzan eskainiko ditu seguruenik gizateriarentzako onura gehien.51World erakundeak garatu dituenak bezalako teknologiei esker, edozein diseinu berri simulatu ahal izango da ingurune guztiz birtual eta ultraerrealista batean inplementazio prozesuko inpaktu negatiboak murriztuz, arriskuei aurrea hartuz eta milioika dolar aurreztuz, eta, ororen gainetik, hiritarren bizi-kalitatea nabarmen hobetuz.

tynmagazine.com