Hidrogenoa energia-iturri garbi eta berriztagarria izan litekeen arren, gaur egun gas naturala eta berotegi-efektuko gas asko isurtzen dituzten beste erregai fosil batzuk erabili behar dira hidrogenoa ekoizteko orduan. Arazo horri aurre egiteko, MITeko ikertzaileek eguzki-energia darabilen sistema garatu dute, hidrogenoa modu ekologikoagoan eta, batez ere, antzeko beste alternatibek baino modu eraginkorragoan garatu ahal izateko.

MITeko taldeak “eguzki-hidrogeno termokimikoa” (STCH, ingeleseko siglen arabera) sortzeko metodoa deskribatzen du, eta eguzkiaren berotasuna darabil, ura deskonposatzeko eta hidrogenoa modu ekologiko zein eraginkorrean sortzeko.

STCHren aurreko diseinuek jasotako eguzki-energiaren %7 inguru baino ez zuten hidrogeno bihurtzen. MITeko diseinu berriak, ordea, eguzki-berotasunaren %40 ere ustiatu lezakeenez, hidrogeno berdea lortzeko kostuak nabarmen murriztuko lirateke.

Teoria hutsean geratu beharrean, MITek prototipoaren eraikuntza ikuskatuko du, eta metaketako eguzki-energiako instalazioetan probatuko da 2024an. Izan ere, ikerketa hori Estatu Batuetako Energia Sailak finantzatzen du, eta 2030erako hidrogeno berdea kilogramoko dolar bateko kostuan ekoiztea dauka helburu.

xataka.com