Aurten, herrialde txiki samarrak izan dira I+G-n gehien inbertitu dutenak; horrek erakusten du edozein tamainatako ekonomiak erabaki dezakeela lehentasuna ematea berrikuntzako inbertsioari. Israel eta Hego Koreak euren BPGaren %4 baino gehiago gastatu zuten I+G-n eta atzetik jarraitzen diete Suitzak (%3,4), Suediak (%3,3) eta Austriak (%3,1).

Sendotasuna da Europako nazioen ezaugarri nagusia. Hamar herrialde sendoenetatik zortzi Europan daude (sendotasuna neurtzeko irizpidetzat hartzen direlarik hornikuntza-kateen ikusgarritasuna eta azpiegitura fisiko eta digitalen sendotasuna).

Estatu Batuak eta Txina nagusi dira adarbakar deiturikoetan, hau da, 1.000 milioi dolar edo gehiagoko balioa duten herrialdeko enpresa berrietan. Azken hamarkadan Estatu Batuak izan dira zerrendaburu, 133 adarbakar baitituzte 10 milioi biztanleko, eta atzetik dator Txina 120rekin. Gainerakoak oso urrun daude bi horietatik, hirugarren postuan Erresuma Batua dagoelarik 12 adarbakarrekin.

Ekonomia txikiak (esaterako, Israel eta Hego Korea) munduko lider dira I+G-n eginiko gastuan, euren BPGaren %4 baino gehixeagorekin. Ekonomia horiek pizgarriak eta mekanismoak ematen dizkiote sektore pribatuari jarduera hori garatzeko eta, horregatik, enpresa sektorera biltzen da I+G guztiaren %80 inguru.

Espainian, I+Gren BPGarekiko pisua Ipar Amerikaren eta Mendebaldeko Europaren gastu erlatiboaren erdia da (lehena %1,2koa da, bigarrena %2,4koa). Guztira, 19.341,5 milioi dolar bideratzen dira, eta horietatik 10.234 milioi (guztizkoaren %47) enpresek sustatzen dituzte.

Baina Espainia besteen gainetik nabarmentzen da ibilgailu autonomoa erabiltzen hasteko eta garatzeko probetan. Agintariak harremanetan daude irudi-sistema bat lortzeko sustatzaile batekin, Estatuko azpiegitura prestatzeko horrelako ibilgailuentzat, eta oso herrialde gutxik eman dute urrats hori.

elblogsalmon.com