Lehen urratsak Shanghai eta Oxford hirietan eman ziren, eta toki horiek aditu bihurtu dira, bai teknologiaren transferentzian eta bai ingeniaritza eta inbertsio arloetan. Manuel Fuertes Kiatt taldeko presidente ohia da, eta proiektu berezien zuzendaria eta Espainiarako zuzendari nagusia Oxford University Innovation, Oxford Unibertsitateko teknologia transferentzia bulegoan.

Horregatik, presentzia du teknologia arloko arrisku kapitaleko hainbat funtsen inbertsio batzordeetan, zeintzuek lan garrantzitsua egiten baitute inbertitzaileekiko harremanen arloan, Britainia Handiko unibertsitatearen barruan. Honela azaldu du berak bere lana: ?aurkikuntza zientifikoak bilatzen dituen talde zientifiko bat gara?.

Hona hemen beren merkatuko ikuspegia hemendik hamar edo hamabost urtera: ?Gaur egun garatzen ari den zientzia da datozen hamar urteetako berrikuntzen oinarria? esan du adituak beren lan mekanismoaz. Bestalde, ekintzaileen eskutik ere lan egiten dute, kasu honetan datorren bosturtekorako ideiak atzemateko. ?Sakelako baten garapenaren bi heren nanoteknologian oinarritzen dira? adierazi du.

Badirudi esparru horretako aurrerapenak profezia bat direla, baina, egia esan, gaur egun ?sektoreko patenteen %60-%70 aurrerapen nanoteknologikoei zor zaizkie? esan du Fuertesek. Nanoteknologiaren presentzia nabarmena da transistoreetan, sakelakoen barrunbeak osatzen dituzten mekanismoetan, hots, gailuaren funtzionamendu sisteman.

Badirudi grafenoa dela esparru horretako aurrerapen handienetako bat, baina Fuertesek dio erronka dela produkzioa laborategitik eskala industrialera eramatea. ?Grafeno metro koadro bat ekoiztea 100.000 dolar kostatzen da? esan du Fuertesek, egin beharreko bidearen erakusgarri. Ondorioz, erronketako bat da grafenoa merke ekoizteko prozedurak eta estandarrak zehaztea. Bitxia bada ere, Fuertesek esan bezala, astero ateratzen dira grafenoaren produkzioa merkatzen ari diren enpresa edo talde zientifikoen albisteak. ?Eguneroko ogia da? dio, iradokiz horietako bat bera ere ez dela bideragarria. Hala ere, ?badirudi Glasgowko Unibertsitateko zientzialari talde batek aurkitu duela horretarako giltza. Ikusiko dugu egia den?.

elmundo.es