Erakusketen helburua da bisitariei ikaskuntza esperientzia desberdin eta orijinal bat eskaintzea. Museoaren sarreran dagoen esloganak berak ere asko dio beronen xedeari buruz: "ikaskuntza da porrota arrakasta bihurtzeko modu bakarra".

Aditu batzuek diote arrakastak aldare ikusgarri batera igotzen ditugula mundu guztiak ikus ditzan, baina porrotak alfonbra azpian ezkutatzen ditugula eta, ahal bada, ez dugula gehiago hitzik egiten horiei buruz. Porrot egin duten berrikuntzen zerrenda arrakasta izan dutenena baino askoz luzeagoa da. Zoritxarrez, ordea, porrot horietako asko ez ditugu ezagutzen, eta agian horregatik dauzka Museum of Failure Innovationek hain artikulu gutxi, porrot egin duten mundu osoko 80 bat produktu eta artikulu baino ez baititu.

Artikulu bakoitzak ikuspegi berezi bat eskaintzen du, erakusteko zein arriskutsua izan daitekeen berrikuntzaren negozioa. Dena den, hobeto jabetuko ginateke horretaz argitara atera ez diren porrot guztiak ezagutuko bagenitu, horiek direlako produktu arrakastatsu bat lortzeko egin beharreko lanaren lekuko onenak. Ideia bitxi honen atzean Samuel West dago, berrikuntzako ikerlaria eta antolakuntzako psikologoa, hots, pertsonek enpresa baten barruan duten portaeran espezializatutako profesionala, zeinaren helburu nagusia baita balioa sortzen laguntzea giza talentua kudeatuz eta garatuz.

gastronomiaycia.republica.com