2019an “etorkizuneko joerek” zabalkunde argi eta eraginkorra izango dute eta Adimen Artifizialak nitxo berriak aurkituko ditu garatzen jarraitzeko.

Adimen Artifiziala + Machine Learning + 5G. Hirukote horixe izango da teknologia arloko egitura osoaren oinarria datorren hamarkadan. Teknologiak norabide berri bat hartuko du: makinak gai izango dira gure bizimoduari egokitutako konponbideak sortzeko, hau da, bildutako datuekin gugandik ikasiko duten eta datuen transmisio-eredu sendo eta fidagarri batean oinarrituta komunikatuko diren konponbideak sortzeko.

DNA, datuak eta publizitatea. Gizakiok sortzen dugun datu kopurua hazten ari da etengabe. Internet Live Stats-en datuen arabera, gizateriak 57TB sortzen ditu segundoko, enpresen, gobernuen eta amaierako erabiltzaileen zerbitzu- eta aplikazio-ekosistema osoan.

Datu horri beste xehetasun bat gaineratu behar zaio: webeko DNA analisiak gero eta ohikoagoak dira.

Smart Home pertsona nagusientzat. Smartwatch batekin jakin dezakegu, adibidez, zein den pertsona baten errutina fisikoa, bere bihotz-erritmoa orduka eta bere loaren kalitatea. Informazio berri hori baliagarri izango da erabiltzailearen osasuna hobeto kontrolatzeko eta espezialistek esparru gehiago izango dituzte aztertzeko.

Zibereraso mikro-zuzenduak. 2018an arriskuan jarri da munduko Internet erabiltzaile ia guztien pribatutasuna. Eta kezkagarriena da ikustea zein azkar gainditzen diren urtez urteko estatistikak. 2018aren lehen erdian gaindituta zegoen 2017an erasoek babes gabe utzitako datuen kopurua.

Azterlan erabakigarriagoak gure onlineko jokabideari buruz. Aurten eginiko azterlan askoren ikergaia izan da plataforma desberdinetan izaten dugun jokabide digitala. Esposizioa zenbat eta handiagoa, orduan eta datu gehiago dauzkagu aztertzeko.

Mundu mailan itzal handiena duten enpresen artean bada joera bat pertsonen ordez prozesu automatizatuak erabiltzeko hautagaiak elkarrizketatzen dituztenean. Langileak hautatzeko mekanismo horren zati handi bat adimen artifizialak garatuko du, zeinak eskura izango baititu kolaboratzaile bat enpresan sartu ala ez erabakitzeko behar dituen aldagai guztiak.

Erostea errazagoa izango da, baina denda bat izatea zailagoa. Kontraesan horrek aho-korapilo bat dirudi, baina horixe da 2019rako joera argienetako bat. Munduko marka handiak dagoeneko hasi dira onlineko salmenta prozesuei indarra ematen eta, aldi berean, prozesuak murrizten salmenta presentzialeko eredu berri batekin.

rpp.pe