Halaxe azaldu dute gaur adimen artifizialaren eta robotikaren arloko Estatuko zein nazioarteko adituek, Madrilen antolatutako prentsaurreko bateratu batean (Ramón Areces Fundazioak eta Springer-Nature erakundeak antolatua), non hizpide hartu baitira teknologia horiek bio-medikuntzan izango duten inpaktua.

Askok uste dute “adimen artifiziala” eta robotak direla teknologiak dakarren mehatxu sozial handiena, baina hori ez da horrela; arrisku handiena da “giza adimena txikiagoa” izango dela, oso erosoa delako funtsezkoak diren zereginak softwarearen esku uztea eta, adibidez, ahaleginik ere ez egitea iritzi bat izateko Twitterren irakurritakoaz harago.

Halaxe azaldu dute gaur adimen artifizialaren eta robotikaren arloko Estatuko zein nazioarteko adituek, Madrilen antolatutako prentsaurreko bateratu batean (Ramón Areces Fundazioak eta Springer-Nature erakundeak antolatua), non hizpide hartu baitira teknologia horiek bio-medikuntzan izango duten inpaktua.

Ekitaldi horretan izan ziren, besteak beste: Tarek Besold, Telefónica Innovación Alpha Health enpresako adimen artifizialeko zuzendaria; Jamie Paik, Lausanako Eskola Politeknikoko Robotika Birkonfiguragarriaren Laborategiko zuzendaria (Suitza); Kara Davis, Stanfordeko Unibertsitateko osasun eta haurren minbizi eta leuzemia arloetako Ikerketa Institutuko Bass Zentroko langilea (AEBak); edota José Hernández-Orallo, Valentziako Unibertsitate Politeknikoko Sistema Informatiko eta Konputazio arloetako katedraduna.

Hainbeste plataforma eta sare sozialekin, “jendeak nahastu egiten ditu bere iritziak eta irakurtzen dituen beste batzuk, eta hortxe dago arazoa” ohartarazi du Lausanako Eskola Politeknikoko Robotika Birkonfiguragarriaren Laborategiko zuzendariak.

Jende askok “ez du pentsatzen, ez du ahaleginik ere egiten telefono zenbaki bat gogoan hartzeko edo Interneten erraz aurki ditzakegun gauza asko ikasteko, dio Jamie Paikek.

Kontua da teknologiak huts egin dezakeela une batean eta Googlek ez dauzkala erantzun guztiak; galtzen ari gara orain arte normaltasunez garatu izan ditugun gaitasunak, gaineratu du adituak.

lavanguardia.com