Oraingoan, energia-uharte artifizialak eraikiko dituzte Europa iparraldean, energia berriztagarrientzako kokaleku bat lortzeko.
, Zer da energia-uharte bat? Helburua da energia eolikoko eskala handiko estazioak eraikitzea, energia berriztagarrien sistema bat edukitzeko eta sistema horren bidez hainbat herrialde hornitzeko. Power Link izeneko uharte hori Energinet.dk (Danimarka), TenneT T O B.V. (Holanda) eta TenneT TSO GmbH (Alemania) enpresen proiektu bat da, nahiz eta beste herrialde askok jasoko dituzten proiektu horren abantailak.

Energinet enpresak orain jakinarazi badu ere, TenneT konpainiak 2016an eman zuen proiektuaren berri. Asmoa da Danimarka, Alemania, Holanda, Norvegia eta Belgika konektatzea 10.000 turbina baino gehiagorekin. Hasieran, Power Link uharte bat baino ez dago aurreikusita, baina ez da baztertu etorkizunean gehiago egiteko aukera; izan ere, parte-hartzaile gehiago hartu nahi dituzte proiektuan, Ipar Itsasoaz harago zabaldu dadin.

Hala, proiektuaren giltzarrietako bat kokapena da, Dogger bankua hain zuzen, eta argi dago ez dela kasualitatez aukeratu. Inplikatuta dauden herrialdeei ongien datorkien puntua da geografikoki (zenbat eta hurbilago egon, orduan eta errazagoa da kable sarea osatzea); enpresek diote haize baldintzak bikainak direla eta, gainera, ez dauka sakonera handirik (zenbat eta sakonera handiagoa, orduan eta eraikuntza-kostu handiagoak).

xataka.com