Proiektu hori 2015. urtearen amaieran abiarazi zen eta teknologia, finantza eta komunikazio arloetako zazpi adituk osatutako talde batek garatu du. “Gure herrialdeko hainbat tokitara bidaiatu genuen eta arazo bera aurkitu genuen denetan: landa-eremuetan zailtasunak dituzte teknologia eskuratzeko” kontatu du Alejandra Carrascok, antolakundeko zuzendari nagusiak. Urtebetez buruari hainbat buelta eman ondoren ordenagailu eramangarriaren ideia bururatu zitzaigun, “gure asmoa baitzen baloreak dituzten hiritar digitalen komunitate bat sortzea” adierazi du Carrascok.

“Innóvate Perú” programako “Startup Perú” lehiaketaren zazpigarren belaunaldiko garaile izan den ordenagailu hau bereziki pentsatuta dago “haurrei bideak zabaltzeko eta pertsonalki zein profesionalki hazten laguntzeko” esan du.

“MDF prentsatu eta birziklatua erabiltzen dugu, eta poliuretanozko geruza bat eransten diogu hautsetik, hezetasunetik nahiz berotik babesteko” gaineratu du teknologiako zuzendari Javier Carrascok. Ordenagailuaren 3.0 bertsioa (azkena) Qauchu Kullu zurez egina dago (zur birziklatuzko txirbilez eta plastikozko tapez eginiko zur ekologiko bat).Peruko Unibertsitate Katolikoko Ingeniaritza Mekaniko Fakultateko irakasle Julio Acostak asmatutako materiala da.

Eguzki energiaz elikatzen diren kargagailuek ordu eta erdi inguruko autonomia dute eta lau bat ordu behar dituzte kargatzeko. Dena den, kargagailu arrunt bat ere erabili daiteke, zeintzuek ia bi orduko autonomia baitute eta ordu eta erdi behar baitute kargatzeko.

innovaspain.com