Hainbat arrazoi daude hori esateko. Teknologiak txarrak izan daitezke ez dituztelako betetzen agindutako helburu zoragarriak edo oso erabilgarriak direlako helburu gaiztoetarako. Bestalde, gerta daiteke teknologia baliagarrienak izatea kaltegarrienak. Eta zergatik egiten dute porrot asmo oneko teknologiek? Akatsak dauzkatelako ala sasoia baino lehen iritsi direlako?

Segway izango litzateke teknologia txarraren adibide bat. Dean Kamen asmatzaileak aurkeztu zuen dispositibo hori, esanaz hiriak eta garraioak eraldatuko zituela.

Google Glass betaurrekoen asmatzailea enpresa txikiagoa izan balitz, seguru asko ez genukeen hainbeste kritikatuko aparatu hau. Baina Google-k asmatu zituenez, publikoak askoz gehiago espero zuen.

Teknologia batzuek asmo ona dute, baina ez dituzte konpontzen konpondu beharreko arazoak eta, azkenean, arazo berriak sortzen dituzte. Bozketa elektronikoa iritsi baino lehen, boto-paperen tabulazio automatikoak paperezko arrasto ikuskagarria uzten zuen. Orain, hauteskundeak kalteberago dira hackerrekiko.

Juul eta beste zigarrotxo elektroniko batzuk nikotinarekiko adikzioa sortzen ari dira belaunaldi berri batengan, legeak utzitako hutsune bat aprobetxatuz.

Plastikozko kafe-kapsulei esker minutu erdi bat gutxiago behar dugu gosaltzeko goizetan, baina birziklatzeko zailak diren tonaka hondakin sortzen dituzte.

technologyreview.es