Pepper da gehien zabaldu den robota, mundu osoko 200dik gora enpresak erabiltzen baitute.Softbank Robotics enpresak fabrikatutako androide honek metro bat eta hogei zentimetroko altuera du. Aurpegi abegitsua du eta Alisys konpainiak eman dio arima, berak programatu baitzuen pertsonekin elkarreragin eta enpatizatzeko. Horregatik, gaur egun erregea da gizaki formako “robot sozialen” artean.Gai da ahozkoa ez den hizkera identifikatzeko (keinuak eta emozioak), eta ikusizko informazioa ematen du tabletaren bidez.

Nao txikia gauza da entzuteko, aurpegiak ezagutzeko eta mugimendu konplexuak egiteko, besteak beste, eseri, zutitu edo ibili, bakarrik edo guk lagunduta.Furhat buru adierazkor bat da, pertsona baten ahots-tonua eta emozioak simulatzen dituena, eta gai dena kantatzeko, bere itxura aldatzeko eta 40 hizkuntza baino gehiagotan mintzatzeko.Eta Alpha minik du jostailu baten antz handiena; samurtasuna piztu liezaioke harri kozkor bati bere begi biziekin eta Kung-Fu erakustaldiekin.Adimen artifiziala, machinelearning eta aurpegi- eta ahots-errekonozimenduko teknologiak konbinatuz lortzen da horiei guztiei bizia ematea.

Nazioarteko Robotika Federazioak (IFR) emandako datuen arabera, 2021ean milioi erdi bat robot industrial berri baino gehiago instalatu ziren eta adituek kalkulatzen dute lan-inguruneetan pertsonekin elkarreragiten duten robot kolaboratiboen merkatua 10.800 milioi dolarrera iritsiko dela 2028an.

Perspektiba itxaropentsu horiekin, ez da harritzekoa tradizionalki konponbide digitalak (callcenteredo contactcenter-etarako AA, cloudedo blockchain) eskaini izan dituen konpainia honek apustu irmoa egitea robotikaren alde.

Osasun, turismo, ostalaritza eta hezkuntza sektoreetarako androideez gain, Alisys enpresak munduko lau hankako robot aurreratuenaren patentea dauka:Spot “txakurra”, industriara eta eraikuntzara bideratua.

Puntu honetan, ikusirik zertarako gai diren robot asko, nahitaez galdetu behar diogu geure buruari ea beldur izan behar dugun gure bizitzako hainbat arlotan ordezkatuak izateko.TheFutureofJobs 2020 azterlanaren arabera, lan-indarraren automatizazio-tasa % 14 handiagoa izango da 2025ean, eta gizakiek bakarrik garatzen duten lanaren portzentajea, berriz, % 53koa (portzentaje hori % 67an dago gaur egun).

Hortaz, gaikuntza izango da gakoa: lan profil sortzaileagoak sortu behar dira, ez hain errepikakorrak, hori robotek egingo dutelako. Gómezek dio “balioko dutela gure osagarriizateko, ez gure lehiakide izateko”.

lavanguardia.com