Printzipioz, garatzaile eta ustiatzaile bakoitzak erabakitzen eta arautzen du bere adimen artifizialaren sistema bere helburuen arabera, eta ez dago, oro har, adimen artifizialeko aplikazioak, horien helburuak eta emaitzak ebaluatu, ikuskatu eta ziurtatzea ahalbidetzen duen estandar, irizpide edo kontrolik. Eta, zalantzarik gabe, eskatu egin behar dugu premia hori erabiltzaile bezala, baina orobat eskatu behar dugu kudeatu, koordinatu eta erregularizatu dadila sistemaren arduradun den erakunde edo organismoan, gero eta gehiago direlako horrelako aplikazioetan oinarritzen diren prozesuak, funtsezkoak eta ezinbestekoak direnak pertsonen eguneroko bizitzan.

Zentzu horretan, eta datu pertsonalak babesteari dagokionez, balia dezakegu Datuak Babesteko Espainiako Agentziak (DBEA) berriki argitaratu duen AA sistemen auditoria-gida, erreferente bezala erabiltzeko AA sistemei kontrolak ezartzeko orduan, batez ere datu pertsonalen tratamenduari dagokionez.

Proposatutako kontrolen artean, nabarmentzekoak dira:

• (i) osagaiaren identifikazioa eta gardentasuna (edo algoritmoa),
• (ii) AA aplikazioaren edo sistemaren helburua eta garapen-oinarriak,
• (iii) datuen kudeaketa segurtatzea kalitateari, horien jatorriari edo sesgoaren kontrolari dagokionez, eta
• (iv) aplikazioa egiaztatzeko eta baliozkotzeko prozesuak, barne direlarik errendimendua, koherentzia, egonkortasuna, sendotasuna, trazabilitatea eta, jakina, segurtasuna bezalako alderdiak.

expansion.com