Teknologia berri honen garapenak oinarritzat du erradiazio infragorria, gorputzak beroa askatzeko duen modu garrantzitsuenetako bat.

Giroa beroa eta hezea bada, adibidez, izerditzea eragingo digun udako egun sargori bat, oihalak pasatzen utziko dio erradiazio infragorriari. Giroa hotzagoa eta lehorragoa denean, oihalak bero gehiago atxikiko du.

Duela gutxira arte, oihalen arloko berrikuntzak goi-mailako teknologiadun propietate termikoen bidetik etorri dira, maratoi bateko korrikalariak hotz mantentzeko edo mendigoizaleen gorputzeko beroari eusteko. Baina orain isolamendu propietateak giroaren arabera alda ditzakeen lehenengo materiala sortu da.

Oihal hori egiteko ikertzaileek hari berezi bat erabili dute, bero eta hezetasun baldintzen arabera uzkurtzen dena eta estaldura berezi bat aktibatzen duena; horrela, oihalak modu desberdinean elkarreragiten du erradiazio infragorriarekin gorputzaren beroa mantentzeko. Erradiazio infragorria “aktibatzeak” pertsiana egokigarri baten antzera funtzionatzen du, beroa transmitituz edo blokeatuz.

Oihal berri hau egiteko erabiltzen den haria bi material sintetiko desberdinen zuntzekin egiten da. Batak ura xurgatzen du, eta besteak uxatu.

tendencias21.net