Laguntzak

2024ko Innobideak-Kudeabide Dirulaguntza Programa

Antolatzile
2024ko Innobideak-Kudeabide Dirulaguntza Programa
Laguntzak: Berrikuntza
Kudeaketa aurreratuko ereduarekin bat datozen kudeaketa hobetzeko proiektuak egiteko laguntzak. Proiektu horiei esker, erakundeen lehiakortasunean eta jasangarritasunean eragina duten sei eremutan indarguneak eta hobekuntza-arloak identifikatu ahal izango dira, eta kudeaketa-sistema egokia ezarriko da. Hauek dira sei eremu edo elementu horiek: Estrategia Bezeroak Pertsonak Gizartea Berrikuntza Emaitzak
Eskabideak aurkezteko epea 2024ko apirilaren 15etik irailaren 30era.
Jatorrizko:	Bizkaiko Aldizkari Ofiziala - Zk. 64 Asteazkena, 2024ko apirilak 03

Antolatzaile

Bizkaiko Foru Aldundia. Ekonomia Sustatzeko Saila

Ekonomi eta Lurralde Garapena Sustatzeko Saila

Gran Vía, 25
48009 Bilbao Bizkaia
https://web.bizkaia.eus/es/promocion-economica
94 612 56 00 // 94 406 80 08

Entitate onuradunak

5 eta 50 langile artean dituzten enpresak, eta sektore hauetakoren batekoak direnak: Industria, Eraikuntza, Garraioa, Industriarekin lotutako zerbitzuak, Turismoa eta Handizkako merkataritza

Diruz lagun daitekeen egitatea

Diruz laguntzeko modukotzat jotzen da erakunde eskatzailearen Kudeaketa Aurreratuko Ekintza Planean sartutako sendotze-proiektuak (2B proiektuak) garatzea, Kudeaketa Aurreratuaren Kontrasteari buruzko Txostenean enpresak lehentasunez landu beharko lukeen kudeaketa-elementuren bati erantzuten diotenak.

Diruz lagungarriak diren finkatze-proiektuak (2B) gutxienez eremu hauetako bat hobetzeko egin behar dira:

a) Estrategia: behar den informazio estrategikoa eskuratzeko eta parte-hartzea sustatzen duten hausnarketa-prozesuak egiteko proiektuak, gerora behar bezala zabaldu eta komunikatuko den estrategia bat ezartzeko. Baliabide ekonomiko-finantzarioak, teknologia eta informazioa estrategia horren zerbitzura kudeatuko dira.

b) Bezeroak: bezeroekiko harremanak eta balio-katearen elementu guztietan (produktuen eta zerbitzuen garapen eta merkaturatzetik hasita ekoizpena, banaketa eta mantentzea sartuta) eraginkortasuna sustatuko duten proiektuak, enpresaren estrategian eginkizun garrantzitsu bat bete ahal duten hornitzaileen eta azpikontratisten laguntzarekin.

c) Pertsonak: hautaketa-prozesuak, ordainsariak eta ezagutzaren, gaitasunen eta lidergoaren garapena hobetzeko proiektuak; lotura izan behar dute enpresaren estrategiarekin.

d) Gizartea: konpainiaren lan soziala egiteko proiektuak (haren ahalmenekin bat eginda), baita ingurumen-iraunkortasuna babesten duten neurriak sustatzekoak ere.

e) Berrikuntza: berritzeko helburuak eta estrategia definitzeko proiektuak, pertsonek arriskuak hartzea eta ekintzaileak eta berritzaileak izatea sustatzen duen barne testuingurua sortzeko proiektuak eta inguruaren ahalmen berritzailea aprobetxatzeko proiektuak. Horretarako, era eraginkor eta efizientean kudeatuko dira ideiak eta berrikuntza-proiektuak.

f) Emaitzak:e maitza estrategikoak (bezeroengan, gizarteko pertsonengan eta berrikuntzari dagokionez) neurtu, ebaluatu eta kontrolatzeko mekanismoak sortzeko aukera ematen duten proiektuak.

Gauzatzeko epea

Diruz lagundutako jarduerak edo proiektuak 2024ko urtarrilaren 1etik eta 2025eko urriaren 1era arteko epean, biak barne, hasi eta amaitu beharko dira.