BIND 4.0ren helburua da euskal enpresen digitalizazioa, lehiakortasuna eta lidergoa bultzatzea, teknologia berriak txertatuz (adimen artifiziala, Big Data, IoT, errealitate birtuala, ikusmen artifiziala edo robotika).

Zehazki, BIND 4.0k ateak zabaltzen dizkie industria adimendun, energia garbi eta jasangarri, elikadura eta osasun sektoreetako konpainiei, teknologia eta konponbide berritzaileenak aplikatu ditzaten.

Helburutzat harturik produkzio-prozesuak optimizatzea, eraginkortasuna handitzea eta eraldaketa digitalari behar duen erantzuna ematea, enpresek proiektuak garatuko dituzte startupekin lankidetzan, startupek dituztelako industria adimentsuago, eraginkorrago eta jasangarriago baterantz aurrera egiteko behar diren dinamismoa, azkartasuna eta teknologia.

Hala, BIND 4.0 ekimeneko partnerdiren enpresek aukera dute 4.0 industriaren abangoardian kokatzeko eta, aldi berean, nazioarteko lehiakortasuna hobetzeko, berrikuntza irekiaren bidez.

Enpresa parte-hartzaileek 250 langile baino gehiagoko jarduera-zentro bat (gutxienez) izan behar dute Euskadin, eta interesa eta konpromisoa izan behar dute berrikuntzarekin eta startupekin lan egiteko.