Industrian eta eraikinetan hidrogenoa kontsumitzeko inbertsioak

Entitate onuradunak

Pertsona juridikoak, pribatuak

Diru-laguntza jaso dezaketen jarduketak

Industria-sektorean hidrogeno berriztagarria erregai edo lehengai gisa nola erabiltzen den erakusteko, baliozkotzeko eta sartzeko jarduerak; eraikinetako eskari termiko edo elektrikoak asetzeko erregai gisa hidrogenoa erabiltzeko proiektuak; eta, bi kasuetan, hidrogenoa egokitzeko eta biltegiratzeko inbertsioak. Jarduketa horiek, 651/2014 Erregelamenduaren 36. artikuluaren barruan, artikulu horretan aurreikusitako baldintzak bete beharko dituzte diru-laguntza jaso ahal izateko.

Hidrogeno berriztagarria edo deskarbonizatua ekoizteko instalazioak, gehienez ere 0,5 MW-eko elektrolisi-potentzia edo ekoizpen-ahalmen baliokidea dutenak, baldin eta aurreko paragrafoan azaldutako proiektuekin lotuta badaude. Elektrizitatea sortzeko instalazio berriztagarriek ez dute dirulaguntzarik jasoko.

Industriaren eta hirugarren sektorearen ETEetan energia eraginkortasunerako inbertsioak.

Entitate onuradunak

Industriaren eta hirugarren sektoreko ETEtzat jotzen diren enpresak, 2009ko Jardueren Sailkapen Nazionala (aurrerantzean, «CNAE edo EJSN 2009») 07tik 39ra bitartekoa dutenak, industria-sektorean barne, eta 41etik 99ra bitartekoa hirugarren sektorean.

Diru-laguntza jaso dezaketen jarduketak

• Prozesuak eta haien elementu osagarriak berritu eta hobetzea, energia eraginkortasun handiko teknologiak erabiliz, energia kontsumoa nabarmen murrizten dela frogatzeko. Jarduera-mota honetan sartzen dira prozesu-galdarak, konpresoreak, erregailuak, motorrak, fluidoak banatzeko sistemetako isolamenduak (beroa eta hotza), klimatizazioa, argiztapena, maiztasun-aldagailuen instalazioa, hondar-beroak aprobetxatzeko sistemen instalazioa (bero-berreskuragailuak, aurreberogailuak…) eta abar. Jarduketa horiek, 651/2014 Erregelamenduaren 38. artikuluaren barruan, artikulu horretan aurreikusitako baldintzak bete beharko dituzte diru-laguntza jaso ahal izateko.
• Lehendik dauden eraikinetako energia-instalazioak berritu eta hobetzea, energia-eraginkortasun handiko teknologiak erabiltzen dituzten beste batzuengatik, energia-kontsumoaren murrizketa nabarmena eta ondoriozko ingurumen-hobekuntza frogatuz. Jarduera-mota horretan sartzen dira fluido bero-eramaileak (beroa eta hotza) banatzeko sistemaren hobekuntzak, energia-aldagaiak kontrolatzeko eta kudeatzeko sistemak, argiztapena, aireztapenean bero-berreskuratzaileak instalatzea eta abar

Energia-eskaria kudeatzeko sistema integralak ezartzea - SIGED.

Entitate onuradunak

Pertsona juridikoak, pribatuak, 2009ko EJSN 41etik 99ra bitarte dutenak, biak barne.

Diru-laguntza jaso dezaketen jarduketak

• kontsumo-datuak lortzera bideratutakoak, energia berriztagarriaren sorkuntzari buruzko datuak lortzera bideratutakoak, energia-biltegiratzeari buruzko datuak lortzera bideratutakoak (halakorik badago), bai eta energia-kontsumoarekin, energia berriztagarrien sorkuntzarekin, energiabiltegiratzearekin eta horri dagokion gastu ekonomikoarekin lotutako beste aldagai interesgarri batzuk lortzera bideratutakoak ere (tenperaturak, baterien karga-maila, prezio-seinaleak edo automatizatzeko beharrezko beste edozein aldagai).
• Energia kontsumitzen duten, energia berriztagarria sortzen duten eta energia metatzen duten sistemak erregulatzeko eta kontrolatzeko ekipoak, energia eskaera kudeatzeko eta malgutzeko neurriak ezarri ahal izateko. Sistema horiek gai izan behar dute, dagozkien algoritmoen bidez, kontsumoak, sorkuntza berriztagarria (baldin badago) eta energia-metaketa (baldin badago) une egokienetara eramateko, prezio-seinaleen, energia-eskariaren edo beste mota bateko seinaleen arabera. Deskribatutako elementu guztietan jarduteko gai den sistema adimendun batek gobernatu behar du SIGED.
• Biltegiratze ekipo arruntak (ioi-litiozko bateriak), hidraulikoak edo bestelako biltegiratze sistema berritzaileak. Belaunaldi berriko bateriak edo ibilgailu-baterien aprobetxamendu berriak ere onartzen dira (baterien bigarren bizitza). Betiere, ezaugarri hauek izan beharko dituzte:

Beruna-azidoa biltegiratzeko teknologia ez da diruz lagunduko.

Biltegiratze-sistemak aukeragarriak izan daitezen, baldintza hau bete beharko da: biltegiratzea ez egotea zuzenean sarera konektatuta, baizik eta kontsumitzailearen barneko instalazioaren zati izatea.

Datuen bilketa, komunikazioa eta analisia errazteko softwarea garatu edo erostea, proiektuan garatutako kudeaketa energetikoko jarduketak eraginkortasunez inplementatu ahal izateko. Softwareak prestazio hauek izan beharko ditu gutxienez:

Ekipoen, energia berriztagarrien sorkuntzari eta biltegiratzeari buruzko datuen eta identifikatutako aldagai nagusien energia-kontsumoari buruzko datuak eskuratzea eta tratatzea.

Kudeatzen ahal diren ekipo guztietan jardutea, definitutako eskaera kudeatzeko estrategien bidez

Bizikleta sustatzea.

Entitate onuradunak

• Merkatuan ondasun eta/edo zerbitzuak (autonomoak) eskaintzeko jarduera ekonomikoa egiten duten pertsona fisikoak, egoitza dutenak edo helbide soziala eta fiskala EAEn dutenak.
• Helbide soziala eta fiskala EAEn duten edo bertan bizi diren pertsona juridiko pribatuak.

Diru-laguntza jaso dezaketen jarduketak

• Bizikletaren erabilera sustatzea lan-eremuan.
• Pertsonak edo salgaiak garraiatzeko triziklo berriak, pedalei lagundutakoak (elektrikoak) ala ez.
• Bizikletak mailegatzeko sistema publikoak (udal bizikleta-sharing-a).
• Bizikletentzako aparkaleku segurua.

Merkataritzaren eta bitartekarien sektoreko energia eraginkortasunerako inbertsioak.

Entitate onuradunak

Pertsona juridikoak, pribatuak, 2009 EJSN G46 eta/edo G47 jarduera-taldeen barruan dutenak

Diru-laguntza jaso dezaketen jarduketak

• Energia-ekipamenduaren ordez (hotz-instalazioak, ohiko argiak, etab.), eraginkortasun energetiko handiko teknologiak erabiltzen dituzten eta energia kontsumoa nabarmen murrizten dutela eta, ondorioz, ingurumena hobetzen dutela egiaztatzen duten beste batzuk jartzea.
• Sistemak eta ekipamendua hobetzea, hala nola fluido bero-eramaileak (beroa eta hotza) banatzeko sistema hobetzea, aireztapenean bero-berreskuratzaileak instalatzea, abiadura-aldagailuak instalatzea, etab. Halaber, energia kudeatzeko sistemak ezartzea enpresa handia ez den enpresetan edo energia asko kontsumitzen duten enpresetan, EAEko Energia Iraunkortasunari buruzko otsailaren 21eko 4/2019 Legearen arabera.