1. ARLOA: ENPRESA - PROIEKTU BERRITZAILEAK GARATZEA

Onuradunak

Pertsona fisiko edo juridikoek baldintza hauek bete beharko dituzte, dirulaguntzaren onuradun izateko:

• Enpresa berritzaile berrien sustatzaile diren pertsona fisikoak.
• Enpresa berritzaile berriak, EJZn alta eman gabeak badira edo haien EJZko altaren lehenengo data 2021eko urtarrilaren 1a edo 1az gerokoa bada.
• Enpresa berritzaile berrien sustatzaile diren enpresak (berriak ez direnak), eskabideak aurkezteko epea bukatzen denean, gutxienez, 6 lanpostu dituztenak.
• Negozio-unitate berrien sustatzaile diren enpresak (berriak ez direnak), eskabideak aurkezteko epea bukatzen denean, gutxienez, 6 lanpostu dituztenak, beti ere barne ekintzailetzarako diseinatutako proiektuen emaitza badira.

Xedea

• Xedea Enpresa-proiektu berritzaile berriak martxan jartzen laguntzea. Proiektu horiek dibertsifikazio-jarduera eta teknologia berriei buruzko jarduera berriak ekarri behar dituzte Bizkaiko enpresen sarera. Proiektuok balio erantsi handia eta hazteko ahalmena izan behar dute.
• Barne ekintzailetza bultzatzea prozesu egituratuen bidez, prozesuok bide eman behar diete enpresei, euron gaitasunak zabaltzeko; horretarako, negozio-unitate berriak sortuko dituzte, eta sustatuko dute entitatea osatzen duten pertsonen talentu ekintzailea.

2. ARLOA: ENPRESA BERRITZAILE BERRIAK

Onuradunak

Erakunde onuradunaren izaera beteko dute lanaldi oso baliokidean gutxienez 2 enplegu duten enpresa berritzaile berriak; gainera, Bizkaiko ekoizpen-zentroari atxikita egon behar dute eta lana Bizkaian egin

Xedea

Enpresa-proiektu berritzaile berriak martxan jartzen laguntzea. Proiektu horiek dibertsifikazio-jarduera eta teknologia berriei buruzko jarduera berriak ekarri behar dituzte Bizkaiko enpresen sarera. Proiektuok balio erantsi handia eta hazteko ahalmena izan behar dute.

4. ARLOA: AZELERAZIOA

Onuradunak

Bizkaiko pertsona juridikoak, EJZn 2019ko urtarrilaren 1ean edo geroago alta emanda daudenak, baldin eta 30.000,00 euroko edo gehiagoko kapital soziala ordaindua badute, gutxienez 4 lanpostu lanaldi osoan, eskaera aurkezten den egunean baliokidea (gutxienez 2 lanpostu Bizkaiko produkzio-zentroari atxikita egon beharko dira eta lana Bizkaian garatu beharko dute), eta 2022ko ekitaldian 150.000,00 euroko edo gehiagoko fakturazio-zifra badute

Xedea

Enpresen hazkundea azeleratzea, jarduera ekonomikoa sortuta

***INFORMAZIO OSAGARRIA - 6//2024 Dekretua - BAO 15. zk. - 2024ko urtarrilaren 22a***