Erakunde onuradunak

• Higiezinen sustapena, bizitegi-erabilerako eraikinen eraikuntza, arkitekturako eta ingeniaritzako zerbitzu teknikoak eta aholkularitza teknikoarekin lotutako beste jarduera batzuk.
• Eraikuntzaren kalitatea kontrolatzeko erakundeak eta eraikuntzaren kalitatea kontrolatzeko saiakuntza-laborategiak
• Bizitegi-eraikuntzaren sektoreko enpresen eta profesionalen taldeak edo elkarteak
• IV. lerroaren kasuan, EAEn kokatutako eraikinak sustatzen dituzten pertsona fisiko edo juridikoak hartuko dira laguntzaren onuraduntzat, baldin eta ziurtagiria lortzen badute, bai bizitegi-eraikuntzaren sektorean egiten duten jardueraren ondorioz sustapen hori egiten duten pertsonak badira.

Diruz lagundu daitezkeen jarduketak

I. lerroa: Honako alderdi hauei dagozkien berrikuntza arloko proiektu edo azterlanak:

a) Bizitegi-eraikuntzaren kalitatea, funtzionalitateari, arkitekturari eta eraikuntzari dagokienez:

b) Kudeaketaren kalitatea hobetzeari eta kalitatea ezartzeari buruzko ikerketak eta Eraikuntzaren Informazioa Modelatzea.

c) Bizitegi-erabilera duten eraikinetako obretako laneko segurtasunari eta osasunari buruzko azterlanak.

d) Bizitegi-erabilera duten eraikinen instalazioei buruzko azterlanak.

e) Etxebizitza berrien eta lehendik daudenen bizigarritasunari buruzko azterlanak.

II. lerroa: Informatikako tresnak garatzea, eta dibulgazio-kanpainak, jardunaldiak eta prestakuntza-ikastaroak egitea, aurreko atalean aurreikusitako gaiekin lotuta.

III. lerroa: Bizitegi-eraikuntzaren sektoreko pertsona fisiko edo juridikoentzako kudeaketa-sistemak ezartzea eta ziurtatzea.

a) BIM erabiltzen duten eraikuntza-obretako informazioa antolatzeko eta digitalizatzeko sistema ezartzea eta ziurtatzea, UNE-EN ISO 19650-1:2019 arauan oinarrituta.

b) ISO 9001, ISO 14001, ISO 14006 nazioarteko normalizazio-arauetan, UNE 166002 Espainiako Arauan, EMASen eta laneko segurtasun eta osasunari buruzko ISO 45001 Arauan oinarritutako kudeaketa-sistemak ezartzea eta ziurtatzea, eta horiek integratzea.

c) Normalizazioko nazioarteko arau hauetan oinarritutako kudeaketa-sistemak ezartzea eta egiaztatzea: «Entsegu-laborategien gaitasunerako baldintza orokorrak» izeneko ISO/IEC 17025 eta «Ikuskatze-lana egiten duten hainbat motatako erakundeen funtzionamendurako irizpide orokorrak» izeneko ISO/IEC 17020.

d) Eraikuntzaren sektoreko profesionalentzat dauden efizientzia energetikoari eta jasangarritasunari lotutako ziurtagiriak egiaztatzea, betiere Espainian egokitutako nazioarteko aitorpena duten ziurtagiriak badira, esaterako Passivhaus ziurtagiriak, aholkularientzat diren Building Research Establishment Environmental Assessment Methodology (BREEAM) ziurtagiriak eta VERDE ebaluatzaileentzako ziurtagiriak, edo ENACek edo Europako erakunde homologoak UNE-EN ISO/IEC 17021-1: 2015 edo UNE-EN ISO/IEC 17024:2012 arauetan egiaztatutako erakundeek emandako ziurtagiriak.

IV. lerroa: Bizitegi-eraikinetara bideratutako ziurtagiriak ezartzea eta egiaztatzea.

Efizientzia energetikoari eta jasangarritasunari lotutako eraikinen ziurtagiriak ezartzea eta egiaztatzea, betiere Espainian egokitutako nazioarteko aitorpena duten ziurtagiriak badira, esaterako LEED eraikin jasangarrien sailkapen-sistema egiaztatzea (Efizientzia energetikoaren eta diseinu jasangarriaren lidergoa), Passivhaus egiaztatzea, Building Research Establishment Environmental Assessment Methodology (BREEAM) egiaztatzea edo VERDE ziurtagiria egiaztatzea.

V. lerroa: Bizitegi-eraikuntzako eraikuntza-prozesuen industrializazioari buruzko azterlanak, proiektuak eta prototipo espezifikoak.

a) Prozesu industrializatuen ondoriozko bizitegi-eraikinen jasangarritasun-, funtzionaltasun-, malgutasun- eta espazio-prestazioen ebaluazioa.

b) Kudeaketaren kalitatea hobetzeari eta kalitatea ezartzeari buruzko azterlanak etxebizitzen eraikuntza- eta industrializazio-prozesuetan.

c) Bizitegi-erabilerako eraikinetako obretan eta etxebizitzen eraikuntza industrializatuko prozesuetan laneko segurtasunari eta osasunari buruzko azterlan konparatiboak.

d) Exekuzio materialeko kostuei buruzko azterlan konparatiboak bizitegi-erabilerako eraikinetako obretan eta etxebizitzen eraikuntza industrializatuko prozesuetan.

e) Etxebizitza babestuen industrializazioari buruzko azterlanak, kasuen azterlanak eta proiektu espezifikoak, EAEko araudiaren arabera.

f) Etxebizitzen bizigarritasunari buruzko azterlanak, oso industrializatutako prozesuen ondorioz.

g) Moduluen, eraikinen edo eraikin pilotuen zatien prototipoak egitea eta fabrikatzea, horiek aztertzeko eta modu esperimentalean monitorizatzeko.