Industrialdeetan dauden enpresetako instalazioak edo makinak modernizatzeko dirulaguntza

Xedea

Titulu honen xedea da instalazioak edo makinak modernizatzeko inbertsioak egiteko diru-laguntzen oinarri arautzaileak eta deialdia onartzea:

• 20.000 biztanle baino gutxiago dituzten udalerrietako industrialdeetan kokatuta dauden enpresetan.
• Bizkaiko Foru Aldundiaren partaidetza duten industrialdeetako enpresetan eta Azpiegiturak SAMP foru-sozietate publikoak kudeatutako elkartegietan kokatuta dauden enpresetan.

Diruz lagun daitekeen egitatea

Egitate hauek joko dira diruz laguntzeko egitatetzat: makinak edo ekipamenduak modernizatu, hobetu edo gehitzeko egindako inbertsioak, lehiakortasuna eta ingurumenaren kudeaketa hobetzeko eta langileen segurtasuna eta berdintasuna hobetzeko badira.

Eskabideak aurkezteko epea

Eskabideak aurkezteko epea argitalpena Bizkaiko Aldizkari Ofizialean argitaratu eta hurrengo egunean hasiko da, eta 2020ko ekainaren 5eko 13:30ean bukatuko da

Elkarteak sustatzeko eta industria-poligonoen kudeaketaeta hobekuntza-planak egiteko diru-laguntzak

Entitate onuradunak

Industria poligonoetako jabeen edota errentarien taldeak: izena edozein dela ere (jabeen erkidegoa, jabeen elkartea, mantentze- eta zaintza-lanetako erakundea)

Diruz lagun daitekeen egitatea

Industria poligonoko gai komunak kudeatzea diruz lagun daitekeen gertaera gisa hartuko da, gaiak industria poligonoa kudeatu, zaindu eta hobetzera bideratuta badaude, kasuan kasuko toki erakundearekin lankidetzan.

Eskabideak aurkezteko epea

Eskabideak aurkezteko epea argitalpena Bizkaiko Aldizkari Ofizialean argitaratu eta hurrengo egunean hasiko da, eta 2020ko irailaren 15eko 13:30ean bukatuko da.

Industria-poligonoa hobetu eta egokitzeko kudeaketaeta hobekuntza-planak aurrez ikusitako inbertsioetarako diru-laguntzak

Entitate onuradunak

• Industria poligonoetako jabeen edota errentarien taldeak: izena edozein dela ere (jabeen erkidegoa, jabeen elkartea, mantentze- eta zaintza-lanetako erakundea)
• Bizkaiko Lurralde Historikoko toki erakundeak

Diruz lagun daitekeen egitatea

Diruz lagundu daitekeen egitatetzat jotzen da industria-poligonoa hobetu eta egokitzeko inbertsioak egitea, poligonoko enpresa-taldeak eta poligonoa dagoen herriko toki erakundeak adostutako jarduketa- eta hobekuntza-planean aurreikusitakoak

Eskabideak aurkezteko epea

Eskabideak aurkezteko epea argitalpena Bizkaiko Aldizkari Ofizialean argitaratu eta hurrengo egunean hasiko da, eta 2020ko irailaren 15eko 13:30ean bukatuko da.