Erakunde onuradunak

Zientzia, Teknologia eta Berrikuntzaren Euskal Sarean integratutako eta akreditatutako eragile zientifiko-teknologikoak

• Oinarrizko eta bikaintasuneko ikerketa-zentroak.
• Zentro teknologiko multifokalizatuak.
• Zentro teknologiko sektorialak.
• Ikerketa kooperatiboko zentroak.

Xedea

1. Ildoa: ikerketa- eta garapen-proiektuetarako dirulaguntzak

Laguntzen xedea ikerketa- eta garapen-proiektuei laguntzea da. Lehentasuna emango zaie heldutasun teknologikoaren goi-mailetan (TRL) garatu eta enpresentzako teknologia-transferentziako jarduerak (merkataritza-ustiapenerako) jasotzen dituzten proiektuei

2. Ildoa: ikerketa-, proba eta esperimentazio-azpiegiturak eskuratzeko dirulaguntzak

Laguntzen xedea da ikerketa-azpiegiturak edo probetarako eta esperimentaziorako azpiegiturak erostea, instalatzea, abiaraztea eta eguneratzea.

Diruz lagundu daitekeen egitatea

1. Ildoa: ikerketa- eta garapen-proiektuetarako dirulaguntzak

Diruz lagun daitekeen egitatetzat joko dira kategoria hauetako batean jarduketak burutzen dituzten ikerketa- eta garapen-proiektuak:

• oinarrizko ikerketa,
• ikerketa industriala,
• garapen esperimentala
• bideragarritasun-azterlanak.

Lehentasuna emango zaie heldutasun teknologikoaren goi-mailetan (TRL) garatu eta enpresentzako teknologia-transferentziako jarduerak (merkataritza-ustiapenerako) jasotzen dituzten proiektuei.

Lehentasuna emango zaie, oro bat, RIS3 espezializazio adimentsuaren estrategian adierazitako eremuetan garatzen diren proiektuei; estrategia hori Zientzia, Teknologia eta Berrikuntzarako Euskadiko 2030 Planean ezarrita dago.

2. Ildoa: ikerketa-, proba eta esperimentazio-azpiegiturak eskuratzeko dirulaguntzak

Diruz lagun daitekeen egitatetzat joko da ikerketa-azpiegiturak edo probetarako eta esperimentaziorako azpiegiturak erostea, instalatzea, abiaraztea eta eguneratzea.

Azpiegituratzat hartzen dira ekipo fisikoen multzoa eta horien softwarea, bai eta horiek hartzeko instalazioak ere. Azpiegitura ekipo bakar bat edo ekipo-multzo bat izan daiteke, espazio bereizi batean kokatuta eta helburu komun zehatz batekin.

3Probetarako eta esperimentaziorako azpiegiturak jarduera ekonomikoetarako izango dira. Ikerketa-azpiegiturak jarduera ekonomikoetara eta ez-ekonomikoetara bideratu ahal izango dira, «Ikerketa, garapen eta berrikuntzarako estatu-laguntzei buruzko Esparru» (2022/C 414/01) Batzordearen Komunikazioan deskribatutakoaren arabera. Ikerketa-azpiegitura batek jarduera ekonomikoak eta ez-ekonomikoak garatzen dituenean, jarduera mota bakoitzaren finantzaketa, kostuak eta diru-sarrerak bereizita kontsignatuko dira, koherentziaz aplikatutako eta objektiboki justifika daitezkeen kostuen kontabilitate-printzipioetan oinarrituta.