Entitate onuradunak

Bizkaiko enpresak, industria, eraikuntza, garraioa, industriarekin lotutako zerbitzuak, turismoa eta handizkako merkataritza sektorekoak, baldin eta 5 eta 250 pesona arteko plantila badute.

1. ILDOA: OINARRIZKO DIGITALIZAZIO PROIEKTUETARAKO DIRULAGUNTZAK

Xedea

Enpresan hobetzeko edo berritzeko proiektuetarako laguntzak, oinarrizko digitalizazioaren bidez, balioa sortzeko prozesuetan eragina badute. Proiektuek berekin ekarri behar dute EIKT (elektronikaren, informazioaren eta telekomunikazioen teknologiak) bat ezartzea.

1) Merkataritza elektronikoa

2) ERP, Business Intelligence, CRM motako enpresaren kudeaketa aurreratuko sistemak, kudeaketa-sistemetarako softwarea (kalitatea, ingurumena, laneko arriskuen prebentzioa, datuen babesa, legezko betetzea).

3) Ekoizpen-prozesuak kudeatzeko sistemak: MES, SCADA, GMAO…

4) Hornidura-katearen barne- eta kanpo-logistika kudeatzeko sistemak: MRP, SCM, SGA…

5) Produktuaren edo zerbitzuaren bizi-zikloaren kudeaketa (CAM CAE, PDM, DMF, PLM, BIM motako aplikazioak ezartzea). Diseinu- eta kalkulu-aplikazioak.

6) Prozesu industrialen automatizazioa (PLC, CNC… bidezko kontrola,), IoT (gauzen internet) elementuak prozesuen kontrolean sartzea.

7) Prozesu operatiboetako seinaleak eta datuak integratzea enpresan, baita hainbat establezimenduren artean ere.

8) Zibersegurtasun-maila hobetzera bideratutako teknologiak, tokikoak zein hodeian edo hirugarrenei hornitutako IoT ekipoetan: arkitektura seguruak diseinatzea eta gauzatzea

Diruz lagundu daitekeen egitatea

Enpresan hobetzeko edo berritzeko proiektuak, oinarrizko digitalizazioaren bidez, balioa sortzeko prozesuei eragiten dietenak.

Diruz lagun daitezkeen gastuak

a) Proiektuari zuzenean lotutako kanpo-gastuak

b) Hardware eta softwareko inbertsioak

c) Proiektuan diharduten langileen barne-gastuak, proiektuak irauten duen bitartean aurkeztutako proiektuari eskainitako lanari dagokionez.

d) Eragile adituen laguntza-gastuak, enpresaren oinarrizko digitalizazio-planaren arabera proiektuaren kudeaketan aholkuak emateko.

e) Teknologoen kontratazio berriaren gastuak, aurkeztutako proiektuari eskainitako denbora laburrari dagokionez, proiektuak irauten duen bitartean.

Laguntzaren zenbatekoa

90.000 €arte

2. ILDOA: DIGITALIZAZIO AURRERATUKO PROIEKTUETARAKO DIRULAGUNTZAK

Xedea

Laguntzen xedea da enpresan hobetzeko edo berritzeko proiektuak egitea, digitalizazio aurreratuaren bidez, balioa sortzeko prozesuei, produktuei/zerbitzuei edo negozio-ereduari eragiten dietenak.

Proiektuek EIKT bat ezartzea ekarri behar dute.

1) Adimen artifiziala, machine learning, deep learning.

2) Cloud computing / birtualizazioa, konputazio kuantikoa.

3) Blockchain.

4) 3D simulazioa, planta-prozesuen eredu birtualak (biki digitalak eta errealitate hedatua barne).

5) Enpresaren balioa sortzeko prozesuen kontrol-datuak eta seinaleak integratzea, balio-kateko beste eragile batzuekin (hornitzaileak, bezeroak) egiten denean.

6) Pertsonaren eta makinaren arteko interakzio aurreratua: errealitate birtuala, errealitate areagotua eta mistoa, gamifikazioa, elkarlaneko robotika…

7) Sistema ziberfisikoak, IoT (gauzen internet)… azken bezeroarentzako produktuan, urrutiko datuen erabilera intentsiboarekin

8) Ikuspen artifiziala.

9) IDSA edo GAIA-X metodologiak eta driver-konektoreak aplikatzea datuak prozesatzean.

Diruz lagundu daitekeen egitatea

Enpresan hobetzeko edo berritzeko proiektuak, digitalizazio aurreratuaren bidez, balioa sortzeko prozesuei, produktuei/zerbitzuei edo negozio-ereduari eragiten dietenak.

Digitalizazio aurreratuko teknologien aplikazioak automatizazioa eta datu-trukea ahalbidetu behar ditu, eta enpresaren balioa sortzeko eremu hauetako batean edo batzuetan hobekuntzak lortzea dute ondorio:

• a) Malgutasuna: aldaketa azkarrak, serie laburrak, pertsonalizazioa; «lead time» aren murrizketa (ekoizpen-denbora); «time to market» aren murrizketa (diseinutik produktu merkaturagarrira).
• b) Prestazioak: serbitizazioa (produktuari erantsitako zerbitzuak/produktuaren ordez zerbitzua saltzea); hobekuntzak produktuaren edo zerbitzuaren kalitatean; prozesuaren fidagarritasuna hobetzea; lan-baldintzak hobetzea
• c) Informazioaren erabilera: erabakiak hobeto hartzea; kontrol automatizatua; kontrol autonomoa; erreakzio-denborak murriztea; arazoei eta beharrei aurrea hartzea.
• d) Eraginkortasuna: stocken murrizketa; kontsumoen murrizketa; hondakinen murrizketa; langileen kostuen murrizketa; mantentze-lanen hobekuntza.

Dirulaguntza jaso dezaketen gastuak

a) Proiektuari zuzenean lotutako kanpo-gastuak.

b) Ibilgetuan egindako inbertsioak, Tababilitate Plan Orokorraren kategoria hauen barruan:

• 206 Aplikazio informatikoak.
• 212 Instalazio teknikoak.
• 213 Makineria.
• 215 Beste instalazio batzuk.
• 217 Informazioa prozesatzeko ekipoak.

c) Proiektura bideratutako langileen barne-gastuak

d) Eragile adituen laguntza-gastuak, enpresaren digitalizazio-plan aurreratuaren arabera proiektuaren kudeaketan aholkuak emateko.

e) Teknologoen kontratazio berriaren gastuak, denboran zehar aurkeztutako proiektuari eskainitako denbora laburrari dagokionez.

Laguntzaren zenbatekoa

140.000€ arte