10 langile edo gehiagoko Bizkaiko enpresen %22,8k teknologi berrikuntzarekin lotutako jardueretan gastatu dute 2016. urtean, hau da, 2015ean baino gutxiagok (%24,7), aurreTIK 2018 arabera.

Produktuan edo/eta prozesuan berritzen duten establezimenduak

Produktu edota prozesu berritzaileak sortu dituzten (berrikuntza teknologikoa egin duten) Bizkaiko enpresa berritzaileen portzentajea %28koa izan da 2016an, hau da, aurreko urtean
baino 0,6 puntu baxuagoa

Antolakuntzako berrikuntza
Antolakuntzako berrikuntza deitzen zaio enpresaren barne funtzionamenduan, lantokiaren antolakuntzan edo kanpoko harremanetan lehenago inoiz erabili gabeko antolakuntza metodo berriak sartzeari. Bizkaiko enpresen %14,9k horrelako aldaketaren bat egin dute 2014-2016 aldian. Portzentaje hori 2013-2015 aldikoa baino 1,6 puntu txikiagoa da.

Merkaturatze
Merkaturatze berrikuntza deitzen zaio merkataritza estrategia edo kontzeptu berriak inplementatzeari; estrategia edo kontzeptu horiek aurretik erabiltzen zirenengandik desberdinak izan behar dute eta sekula erabili gabeak. Aldaketa handia ekarri behar du produktuaren diseinuan edo ontziratzean, posizionamenduan, sustapenean eta prezioan. Bizkaiko establezimenduen %8,9k horrelako aldaketaren bat egin dute 2014-2016 aldian. Portzentaje hori 2013-2015 aldikoa baino 0,3 puntu txikiagoa da.

Berrikuntza teknologikoaren efektuak
Bizkaiko establezimenduen %95,1ren iritziz, berrikuntza teknologikoak efektu garrantzitsuak dauzka beren jardueraren garapenean. Nagusiki produktuen gainean du eragina (%88,8) eta kalitate handiagoa ematen die ondasun eta zerbitzuei (%78,4).

Lankidetza hitzarmenak dituzten establezimenduak
Bizkaian berrikuntzak sortzen dituzten establezimenduen %31,2k I+G-ko jardueren inguruko lankidetza hitzarmenak izenpetu dituzte beste enpresa edo erakunde batzuekin 2014-2016 aldian. Portzentaje hori 2013-2015 aldikoa baino 1,6 puntu handiagoa da.

Hona hemen aurreTIK 2018 azterlanean analizatu diren alderdi batzuk:

• Teknologi Berrikuntzarako
• Produktuan Edo/eta Prozesuan Berritzen Duten Enpresak
• Berrikuntzetan gastatzen duten enpresak
• Berrikuntzek izandako inpaktu ekonomikoa
• Berrikuntza Teknologikoaren Efektuak
• Lankidetza Hitzarmenak Dituzten Establezimenduak
• Berrikuntza Teknologikoko Jardueretarako Informazio Iturriak
• Berrikuntzaren Finantzazio Publikoa
• Merkaturatze Berrikuntza
• Antolakuntzako Berrikuntza
• Patenteak Eta Bestelako Babes Metodoak