10 langile edo gehiagoko Bizkaiko enpresen %19,7k gastatu dute teknologi berrikuntzako jardueretan 2017an, hau da, 2016an baino gutxiagok (%22,8). Hala ere, teknologi berrikuntzetan eginiko guztizko gastua 1.137,8 milioi eurokoa izan zen 2017an.

Efektuak

Bizkaiko establezimenduen %95,1en iritziz (portzentaje hori 2016koaren parekoa da), teknologi berrikuntzak efektu garrantzitsuak dauzka beren jardueraren garapenean. Enpresek uste dute berrikuntzak produktuetan duela efektu handiena (%89,4).

Establezimenduen %68,9ren iritziz, garrantzitsuak dira enpleguaren gainean dituen efektuak, bereziki enplegua mantentzeari (%50,8) eta enplegu kualifikatua emendatzeari (%38,8) dagokionez.

Tamainak badu oraindik ere eragina berrikuntzan: 100 langile baino gehiagoko establezimenduek gastatu zuten gehien teknologi berrikuntzan (%41,2k gasturen bat egin dute), nabarmen urrundu direlarik establezimendu txikienetatik (%12,4).

Zailtasunak

aurreTIK 2019 txostenaren arabera, Bizkaiko establezimenduen %64,8k zailtasunak izan zituen 2017an berrikuntzak egiteko. Portzentaje hori hiru puntu hazi da, beraz, egoera txarragoa da 2016koa baino. Faktore ekonomikoen artean, enpresen ia erdiarentzat (%46,9) kostu handiak dira berritzeko arazo nagusia.

Finantza arloko laguntza

Bizkaiko enpresa berritzaileen %44,1ek finantza arloko laguntza publikoa jaso du 2017an, mailegu edo diru-laguntza moduan, bere jardueretarako; portzentaje hori 2016. urtekoa baino 2,6 puntu txikiagoa da.

Lankidetza

Establezimenduen %33,9k I+G-ko jardueren inguruko lankidetza hitzarmenak izenpetu dituzte beste enpresa edo erakunde batzuekin 2015-2017 aldian. Portzentaje hori 2014-2016 aldikoa baino 2,7 puntu gorago dago. Hitzarmenak teknologi zentroekin sinatzen dira gehienbat (%65,9).

Berrikuntzen babesa

Bizkaiko establezimenduen %9k patenteren bat eskatu zuen, patenteren bat zuen indarrean edo bere asmakizunak eta berrikuntzak babesteko metodoren bat erabili zuen 2015-2017 urteen artean. Ehuneko hori %24,5ekoa da establezimendu berritzaileak soilik kontuan hartuta.

Hona hemen aurreTIK 2019 azterlanean analizatu diren alderdi batzuk:

• Teknologi Berrikuntzarako
• Produktuan Edo/eta Prozesuan Berritzen Duten Enpresak
• Berrikuntzetan gastatzen duten enpresak
• Berrikuntzek izandako inpaktu ekonomikoa
• Berrikuntza Teknologikoaren Efektuak
• Lankidetza Hitzarmenak Dituzten Establezimenduak
• Berrikuntza Teknologikoko Jardueretarako Informazio Iturriak
• Berrikuntzaren Finantzazio Publikoa
• Merkaturatze Berrikuntza
• Antolakuntzako Berrikuntza
• Patenteak Eta Bestelako Babes Metodoak