Batez ere produktu edo zerbitzu berrien edo hobetuen diseinuan eta merkatu berrien irekieran oinarritutako berrikuntzak garatzeko edota produktu edo zerbitzu berrien kontzeptu eta ideiak sortu eta garatzeko. Kontsultatutako enpresen %66,6k uste du lankidetza hori baliagarria dela.

Norabidea 2015 txostenak beste ondorio bat ere atera du: enpresen %68,7k arrakasta bezala ikusten dute berritzeko hartu duten erabakia. Portzentaje hori hazi egin da 2014koarekin alderatuta (%61), eta horrek esan nahi du berritzen duten enpresak seguruago daudela garatzen ari diren prozesuari dagokionez.

Enpresek diote gaur egungo testuinguru ekonomikoak eragina duela beren jarduera berritzailean, eta horietatik bi herenek beren berrikuntzako helburuak murriztu badituzte ere, etorkizunari begira, berrikuntzako inbertsio ahaleginaren arloan gehienek egonkortasunaren aldeko apustua egin dute; halere, bada joera positibo bat, %27,3 eta %15,8 bitartekoa, zeinetan produktu edo zerbitzu berriek, marketinak eta merkaturatzeak protagonismo handiagoa baitute

Norabidea 2015-ek, Lurralde Historikoko enpresek beren negozio-planetan berrikuntzari ematen dioten garrantzia neurtzen duen azterlanak, baita ere dio Bizkaiko enpresen %49,4k jarduera berritzaileren bat egin duela azken lau urteetan. Gainera, inkesta honi esker egiten den Berrikuntzaren Intentsitatearen Indizeak (jarduera berritzailearen sistematizazio gradua neurtzen duenak) adierazten du enpresa berritzaileen %29,6k berrikuntza maila handia edo oso handia duela. Portzentaje hori iazkoa baino apur bat handiagoa da (%28,4), eta kontuan hartzekoa da enpresen %28,9k finantzaketa publikoa jaso duela.

Bestalde, jarduera berritzailerik egin ez duten enpresek ez dute berritu, sinetsirik daudelako ez dela beharrezkoa, garestiegia dela eta ez duela errentagarritasun handirik ematen. Era berean, azterlan honek aukera ematen du enpresa ez berritzaileak berrikuntzarako duten joeraren arabera sailkatzeko, eta hor ikus daiteke %34k joera handia duela berritzen hasteko.

Hona hemen Norabidea 2015 azterlanean analizatu diren alderdi batzuk:

• Bizkaiko enpresen jarduera berritzailea
• Berrikuntza intentsitatearen indizea
• Enpresetako berrikuntzaren ezaugarriak
• Enpresa ez berritzaileak, nolakoak diren eta zergatik ez duten berritzen.
• Kultura berritzailea: giza kapitala, ezagutzaren kudeaketa eta berrikuntza babesteko metodoak.
• Lankidetza da berrikuntzarako bidea
• Marketin eta merkaturatze arloetako berrikuntzak