Bizkaian, 2021ean patente-eskaerak egonkor mantendu dira, erabilgarritasun-ereduenak apur bat hazi dira eta diseinu industrial zein marka-erregistroen eskaerek jaitsiera txiki bat izan dute.

Bestalde, Euskal Autonomi Erkidegoko datuek erakusten dute patenteen eskaera-kopuruak beherakada txiki bat izan duela, eta beherakada hori aspaldiko urteetatik datorren joera bat dela. Nabari da, bestalde, diseinu industrialeko eskaerak ere jaitsi egin direla.Baina erabilgarritasun-eredu eta marka-erregistroenek gorantz egin dute, igoera apal batekin lehenengoaren kasuan eta gorakada handixeago batekin bigarrenean.

Aipatzekoa da adierazle bat bera ere ez dela iritsi oraindik pandemia aurreko 2019ko mugarriak gainditzera.

Alderatzen baditugu EAEk lau adierazle horien eskaeretan dituen portzentajeakEstatuko gainerako portzentajeekin, ondorioztatuko dugu patente, erabilgarritasun-eredu eta marka-erregistroen eskaerak apur bat igo direla eta diseinu industrialeko eskaerak berdin mantendu direla.

Jarraian, azterlanetik ateratako datu nagusiak aurkezten dira.

PATENTE-ESKAERAK

2021ean, Bizkaian eginiko patente nazionalen eskaera-kopuruak 2020ko bilakaera bera izan du, hau da, guztira, 30 eskaera egin dira.

EAE osoa kontuan hartuz gero ere, eskaera-kopuruak behera egin du 2021ean, 67 izan direlarik (2020an baino hiru gutxiago).

DISEINU INDUSTRIALEKO ESKAERAK

Diseinu industrialeko eskaerei dagokienez, Bizkaian guztira 17 eskaera egin dira 2021ean, hau da, 2020an baino bost gutxiago.

EAE osoa kontuan hartuz gero, diseinu industrialeko eskaeren kopurua jaitsi egin da 2020koarekin alderatuta, 32 eskaera egin direlarik guztira.

ERABILGARRITASUN-EREDUEN ESKAERAK

2020an erabilgarritasun-ereduen53 eskaera egin ziren Bizkaian, eta 2021ean 56; horrek erakusten du adierazlearen bilakaera goranzkoa dela.

EAE osoari dagokionez, 2020ko beherakadaren ondoren, adierazleak apur bat gora egin du 2021ean, erabilgarritasun-ereduen115 eskaera egin baitira, 2020an baino 3 gehiago.

MARKA-ERREGISTROEN ESKAERAK

Marka-erregistro nazionalen eskaeren kasuan, aldiz, 2021eko datuek diote euskal lurraldeen artetik Bizkaian egin direla marka-eskaera gehien, guztira 956, baina, bestalde, Bizkaia da 2020koak baino datu baxuagoak dituen lurralde bakarra. Dena dela, Euskal Autonomia Erkidego osoan egin diren marka-eskaera guztien ia erdia da hori.

Euskal Autonomia Erkidego osoa kontuan hartuz gero, adierazle honek apur bat gorantz egin du, 1906 eskaera egin baitira, 2020an baino 53 gehiago.