Eraginkortasunaren eta berrikuntzaren etengabeko bilaketan, industriak etengabeko bilakaerak eta iraultzak bizi izan ditu historian.Orain, ordea, 5.0 industrian sartzear gaude, etaenpresek nola diharduten eta planetan nolako eragina duten aldatuko da goitik behera.

5.0 industria iraultza industrialaren hurrengo fasea da, eta teknologia aurreratuek bat egitean bultzatu da; esate baterako, adimen artifiziala (AA), Gauzen Internet (IoT), robotika aurreratua eta hodeiko konputazioa. Bere ezaugarri bereizgarria gizakien eta makinen arteko lankidetza estua denez, ekoizpenaren pertsonalizazioa handiagoa da, eta erantzun azkarragoa ematen zaie merkatuko eskaera alditsuei.

5.0 industrian, enpresek malgutasunean eta jasangarritasunean oinarritutako estrategiak jarriko dituzte abian. Honako hauexek izango dira funtsezko zutabeak: automatizazio aurreratua, maila goreneko zibersegurtasuna, produktuen trazabilitate osoa eta pertsonalizatutako ekoizpen ugaria. Horri esker, azkarragoa izango da merkatuko joeretara egokitzea, eta eragiketen eraginkortasuna handituko da.

Era berean, horren ondorioz, ekoizpena bera arinagoa izango denez, entregatzeko epeak laburtuko dira, eta bezeroen gogobetetasuna handiagoa izango da. Horrez gain, oso-oso pertsonalizatutako ondasunak eskala handian ekoizteko ahalmenak kontsumitzaileen esperientzia hobetuko du. Edonola ere, erronkarik ere badago; esate baterako, lanerako indarra prestatzea, robotekin eta AAko sistema aurreratuekin batera lan egiteko.

4.0 industria makinen konektibotasunean eta automatizazioan zegoen oinarrituta, eta 5.0 industriak, ordea, gizakien eta makinen arteko elkarreraginari ematen dio lehentasuna, erabakiak elkarrekin hartzeko eta arazo zailak unean bertan konpontzeko. Alde horretatik, adimen artifizialak funtsezko zeregina dauka, erabaki autonomoak hartzeko eta modu ugarian pertsonalizatzeko aukera ematen duelako. AAko algoritmoek unean bertanaztertu ditzakete datuak, ekoizpena hobetzeko eta, esate baterako, makinetako akatsak lehenago aurreikusteko edo gizakiek gaur egungo baliabideen bitartez zer egingo luketen aurreikusteko. Hori dela eta, eraginkortasuna handitzen da, eta kostuak murrizten dira. Horrez gain, AAk segurtasun zibernetikoa hobetzen du, mehatxuak eta zaurgarritasunak modu proaktiboan antzematen ditu-eta.

drivingeco.com