Hari digitalakkomunikazio-esparru partekatua ezartzen du, datuen bilketan, egituraketan nahiz homogeneizazioan dago oinarrituta, tradizioari begira fabrikazio-prozesuan isolatuta dauden elementuak lotzen ditu (diseinua, hornikuntza, ekoizpena, artapena, merkaturaketa…) eta ekoizpen-prozesu osoaren ikuspegi integratua eskaintzen du balio-katean.

Fabrikazio-zikloan inplikatutako sail, software eta makina guztien arteko komunikazioa automatizatua eta partekatua denean, trazabilitatearen kontrola handiagoa da, eta baliabideak zein prozesuak hobeto erabiltzen dira. Hori dela eta, produktibitateak gora egiten du zenbait eskalatan.

Datuak unean bertan sinkronizatzen direnean eta datu horiek demokratizatzen direnean (hau da, proiektu zehatz batean inplikatuta dauden profesional guztiek eskuratu eta ulertu egiten dituztenean, betiere, horretarako baimenik badute), zenbait arlo industrialetako prozesuek hobera egiten dute, eta mugarri berria sortzen da enpresen digitalizazioan.

Ingeniaritzan, salmenten fasean, ekoizpenean, kalitatearen kudeaketan eta logistikan…, sail guzti-guztietan, produktibitatea handitu egiten da hari digitalari esker.

Sistema horren giltzarria datuak biltzea, aztertzea eta interpretatzea denez, digitalizazioarekin lotutako zenbait teknologiatan dago oinarrituta; esate baterako, Industrial Internet ofThings (IIoT), bigdata, machinelearninga, adimen artifiziala eta businessintelligencea, baita errealitate areagotua ere.

Edozein industriarentzat, onuragarria izango da hari digitalaren kontzeptuan oinarritutako sistemak ezartzea; adibidez, automobilgintza, elikagaigintza, farmaziagintza, logistika…

infoplc.net