Hala, plataforma digitalak sarbide bat eman die enpresa txiki eta ertainei, “sarbide erraza eta kostuetan eraginkorra eta 4.0 Industriako gaitasun zientifiko-teknologiko berritzaile eta bikainak eskuratzeko aukera emango diena” , hala azaldu dute SPRI, Eusko Jaurlaritzako Enpresen Garapenerako Agentziako kideek.

Helburua da baliabide gutxien dituzten konpainiei aukera ematea eboluzionatzeko eta lehiakorrago izateko garapen-eremu desberdinekin lotutako guneen bitartez. Ekimen honekin, ETEek aukera izango dute ordaindu ezin dituzten robotak edo laser zelulak erabiltzeko eta, horrela, beren produkzio-prozesuak hobetzeko. Programa honen beso guztiak eusten eta banatzen dituen ibilgailua da Basque Digital Innovation HUB, non euren indarrak batzen baitituzte I+G-ko euskal teknologi zentroek, Lanbide Heziketako ikastetxeek eta unibertsitateek, Eusko Jaurlaritzaren babesa izanik SPRI Taldearen bitartez.

Guztiak dira BDIHren jabe eta berrikuntza digitaleko euskal sarearen edukiak diseinatzen dituzte. Abiatze-fase honetan, plataformak ezagutza eta zerbitzu zehatzak eskain diezazkieke enpresei arlo hauetan guztietan: Fabrikazio Gehigarria, Robotika Malgu eta Kolaboratiboa, Zibersegurtasuna eta Makina Adimendun eta Konektatuak.

Hub-ak lau ardatz horien aldeko apustua egin du, Basque Industry 4.0, Fabrikazio Aurreratuko RIS3 espezializazio adimenduneko euskal estrategiari jarraiki. Hala, enpresei berrikuntza digitalean esperimentatzen laguntzeko tresna horrek urrats bat gehiago eman du konpainiei laguntzeko hartua duen konpromiso horretan.

deia.eus