Tele-operatzaile batzuk hasi dira dagoeneko aholkuak jasotzen bezeroen hizkera eta elkarrizketa denbora errealean aztertzen duen software baten eskutik. Software horrek gomendioak egiten dizkie: motelago hitz egiteko, bezeroa ez hainbeste mozteko? gainera, abisatu egiten die linearen bestaldean dagoen pertsona haserre dagoenean.

Makinen eta gizakien arteko kolaborazioak gero eta ohikoagoak dira lan arloan, eta hau horren adibide bat baino ez da. Robotek dagoeneko errutinazko lan ugari egiten dituzte dei zentroetan edo bestelako lan administratiboetan, baina badirudi gizakiekiko elkarreragina ez dela automatizatuko oraindik. Halere, AAdun software batek langile eta bezeroen arteko elkarreragina hobetu dezake.

Dei zentroetarako software hori Bostonen (AEB) egoitza duen Cogito enpresak egin du. Sistema horrek elkarrizketaren dinamika ebaluatzen du, eta bereziki entrenatuta dago ezaugarri zehatz batzuk detektatzeko. Elkarrizketaren edukia aztertu beharrean, softwareak audio gordina aztertzen du. Cogito enpresako zuzendari nagusi Josh Feast-entzat, elkarrizketak dantza baten modukoak dira. Arduradunak hauxe esan du: Jakin daiteke noiz dagoen jendea sintonian, eta horrela lortzen den neurria askoz ere baliagarriagoa da hizkerarena baino.

technologyreview.es