Gizakiok eszena bat begiratzen dugunean, objektuak eta euren arteko erlazioak ikusten ditugu.Adibidez, zure idazmahaiaren goiko aldean baliteke ordenagailu eramangarri bat egotea, telefono baten ezkerraldean eta ordenagailu-pantaila baten aurrean kokatuta, azaldu du MITek (Massachusetts Institute of Technology) adierazpen batean.

Modelo berriak banan-banan irudikatzen ditu erlazio indibidualak, eta gero irudikapen guztiak uztartzen ditu eszena orokorra deskribatzeko.Horrela, modeloak irudi zehatzagoak sor ditzake testuzko azalpenetatik abiatuta, baita eszena batean elkarrekiko erlazio desberdinak dituzten objektu ugari badaude ere.

Lan hau aplikagarri izan daiteke robot industrialek hainbat urratsetako manipulazio-lan konplexuak egin behar dituzten egoeretan, adibidez, biltegi batean artikuluak metatu edo etxetresna elektrikoak muntatu behar dituztenean.Halaber, urrats bat hurbilago egongo gara euren inguruneekin gizakiok bezala elkarreragin eta ikasteko gai izango diren makinetatik.

diariodigital.com