Massachusetts-eko (AEBak) eraikin industrial baten barruan nago, eta robot bat ikusten dut, batetik bestera dabil pertsona baten atzetik, txakurtxo bat balitz bezala.

Kolore urdin argia duen automatak Gita du izena, ia borobila da eta mendiko bizikleta baten antzeko bi gurpil ditu. Inguruan dagoen eramangarri batek erakusten du nola ikusten duen robotak mundua: puntuzko laino batek gelaren eta ondoko igarobidearen 3Dko irudia irudikatzen du, robotaren gorputzean instalatuta dauden kamerei esker.

Piaggio enpresak garatu du Gita . Ibilgailu arinak ekoizten dituen auto-enpresa italiar hori ezaguna da Vespa motor ikonikoaren sortzailea izateagatik. Robotak estrategia esperimental bat du gauzak garraiatzeko. Goiko aldea ireki egiten denez, 18 kiloko karga garraia dezake gutxi gorabehera. Enpresa laster hasiko da ingurune industrialetan Gita probatzen, esaterako lantegietan edo jolas-parkeetan.

Era berean, espero du robota erakargarria izango dela robot laguntzaile batekin paseatzera edo korri egitera atera nahi duten erabiltzaileentzat. Izan ere, Gita k 35 kilometro orduko abiadura har dezake.
Produktuak argi erakusten du nolako iraultza teknologikoa bizi duen garraioaren munduak. Teknologia berriek goitik behera aldatu dituzte hamarkada luzez estankatuta egon diren alderdiak, eta automobilen sektorea azkar ari da bere burua berrasmatzen.

technologyreview.es